1 Çark'est'a za, ay Buxačux, xenen za q'uc'ene,
2 T'etər sa batağluğaz baft'e ki,
3 Halnuxunez bite zu köməyə k'alpsaxun,
4 Hik'k'ali loxol za nifrətbalorox bez biin popaxun gelene bake,
5 Bez biq'i əşurxo bito Vi piin běše, ay Buxačux,
6 Za ç̌omə̌yin ma efa, ay Buxačux, ay Q'oşuniQ'ončux!
7 Axıri ǰame q'ončuxal bazki zu Vi yaq'en taysuna görə,
8 Bezi ı̌šat'oğone zaxun ç̌o taradi,
9 Şot'o görə ki, Va laft'ala hər əyit zaal lafest'a,
10 Bezi ğurux efi ǒnepsunal
11 Mə̌yin lapi yas efat'anal bez loxolt'un axšume!
12 Dirist' şəhəren zaxune əyite,
13 Zu isə Vaz afırıpi k'ale, ay \+w Q'ončux\+w*,
14 Zapa c'evk'a za me çeyilluğaxun,
15 Ma barta za selen taşeri bə̌ğə̌loy sa oqnu bosane,
16 Vi nu badalbakala çuresuni k'ə baksuna ak'est'i za çark'est'a, ay \+w Q'ončux\+w*,
17 Me Vi k'ula nu aksuna ma laxa,
18 Zaxun ə̌xil ma baka, eki za çark'est'a,
19 Anksa Hun bez düşmənxoy balt'oğo bitova:
20 Za uk'ala əyitmoğo ibaki bez ük'e xə̌xə̌yesa,
21 Busabakat'an ağut'un tadi za,
22 Barta q'urbani q'onaxluğxo c'ovakest'ala gala içoğoy kul-turq'an ğaç̌eśi,
23 Piin işiğq'an bari,
24 Vi hirsləyinşaksuni k'ə baksuna ak'est'a şot'oğo,
25 K'ojin işiğq'an aç̌i şot'oğoy,
26 Şot'o görə ki, Hun Vi ç̌oya taradit'oğoy bač'anexun baft'iyoroxe,
27 Śampa şot'oğoy me günaxal cazasuz nu mandala günaxxoy siyəyinə,
28 Silba şot'oğoy s'iya Vi girkəxun,
29 Zu isə goroxzu, dərde boş bakala sa amdarzu,
30 Mə̌ğpi alaboz Buxačuğoy s'iya zu,
31 Mo \+w Q'ončuğoy\+w* piyes öküzi q'urbanaxunal şaat' ak'eğale,
32 Fağırxo mǔqbakale mot'o ak'i,
33 Axıri inebaksa \+w Q'ončuğon\+w* eht'iyəci boş bakalt'oğo,
34 Barta göyurxoxun q'a oç̌alaxun,
35 Çark'est'ale Buxačuğon Siona,
36 Buxačuğo bul k'os'balt'oğoxun törəyinşakit'oğo mandale me oç̌al,