1 Ay Buxačux, beş bavoğon exlətp'at'an
2 Hetəren Hun q'erəz millətxo şəp'eśi
3 Davabi tet'un haq'i şot'oğon me oç̌ala,
4 Ay Buxačux, Hunnu bez Padçağ,
5 Yan Vi köməyenyan beşi düşmənxo şəp'esa,
6 Bezi dǒpt'i sakes baksuna tez güvəyinşaksa zu,
7 Hunnu yax beş düşmənxoy kiyexun çark'est'alo,
8 Beşi ği Buxačuğo alxışpsunene c'ovaksa,
9 Ama, mone, yaxun ç̌on taradi Hun,
10 Yax şot'oğoy běš badi şəp'eśesendi,
11 Eğela canavari ǰomo tadala k'inək' yax şot'oğoy ǰomon tadi Hun,
12 Xene toyenen toydi Vi azuk'a,
13 Q'onşiğoynak' axšumi gayan bake,
14 T'iyə̌mi azuk'xoy ǰomo k'əc'yansa,
15 Bask'i-hayzeri me biyaburçiluğ zaxune,
16 Za nifrətbala düşməni axšume bez ak'alo,
17 Manu ki, Vi laxi k'anunxoxun teyan c'eysay yan,
18 Vaxun beş ük' tene irapey,
19 Ama Hun p'urumal oç̌alen sanbi yax.
20 Yəni yan beş Buxačuğoxun ç̌o taradi bakiyaniy,
21 Bitot'oğoy ük'e boş bakalt'oğo ak'ala Buxačuğoxun c'ap' manedoy ki mo?
22 Yan Vi laxi yaq'en taysuna görə beşi elmoğot'un haq'sun çuresa hər ği,
23 Ay \+w Q'ončux\+w*, het'aynak'en şip' çurpe?
24 Het'aynak'en yaxun Vi ç̌oya taradi?
25 Oç̌alen sayanbaki yan,
26 Hayza, kul biq'a yax!