1 Ay düzgün bakalorox, \+w Q'ončuğoy\+w* s'iya alabanan!
2 Tər farpi Şot'ay s'iya alabanan,
3 Şot'aynak' me təzə mə̌ğə̌ mə̌ğpanan,
4 Axıri \+w Q'ončux\+w* İzi tadi əyiti loxol çurk'alone,
5 Düzgün bakalo, həmişə düz q'ərar c'evk'alone Şo,
6 \+w Q'ončuğon\+w* İz sa əyiten göyurxone yaratmişi,
7 Şot'in dənizi xeyurxone girbi,
8 Barta dirist' dünyənen \+w Q'ončuğoy\+w* şu baksuna q'amişakeq'an,
9 Şot'o görə ki, bito Şot'ay ǰomoxun c'eğala sa əyitene baki,
10 \+w Q'ončuğon\+w* q'erəz azuk'xoy ük'exun c'ovakalt'oğo içoğoy boşe efon,
11 \+w Q'ončuğon\+w* İz ük'e biq'est'iyorox isə həmişəluğe,
12 İz Buxačux \+w Q'ončux\+w* bakala azuk',
13 Göynulxun běğalone \+w Q'ončux\+w*,
14 İz məsk'ən saki ganuxun běği
15 İçoğoy beynəl śirik' İçin yaratmişit'oğo,
16 Nə padçaği çark'esun izi q'oşuni geleluğaxun asulu tene,
17 Davina c'eğat'an ěka umudbakala şey tene,
18 \+w Q'ončuğoy\+w* pul İçu çalxalt'oğoy loxole,
19 Şone şot'oğo bisunaxun çark'est'alo,
20 Yan \+w Q'ončuğoyan\+w* umud,
21 Beşi mǔqbakala ga Şone,
22 Ay \+w Q'ončux\+w*, beşi Va umudbakala k'inək',