1 \+w Q'ončuğo\+w* alxışp'anan, Şot'ay s'iya duği afırıpanan,
2 Mə̌ğpanan, mə̌ğen tərifləyinşanan Şot'o,
3 Ak'est'anan bitot'u ı̌vel Buxačuğoy şuxun baksuna,
4 \+w Q'ončuğost'a\+w* ak'anan efi zora,
5 Şot'ay kiyexun ayeğalt'oğo, Şot'ay biq'i nu ak'eśi əşurxo ef eyex efanan,
6 Ay Şot'ay k'ul bakala Avrahamaxun baki nəsil,
7 Şone beş Buxačux bakala \+w Q'ončux\+w*,
8 Həmişəluğe Şot'ay ğaç̌eśi irəziluğ,
9 Avrahamaxun ğaç̌eśi irəziluğa,
10 Laxeśi sa q'aydane baki mo İak'oveynak',
11 Şot'o "vaz tast'a Kənan oç̌ala" uk'at'an,
12 Şot'oğoy me oç̌ala malluğ bakala vədə,
13 Sa ği sa azuk'i, t'e soğo ği t'iyə̌mi azuk'i t'ǒğǒlt'un içoğoynak' mesbsay,
14 Ama hat'e vədəl \+w Q'ončuğon\+w* şot'oğo incit'mişbsa tene barey,
15 "Bez c'ək'p'it'oğo ma laft'anan,
16 Busaluğe yaq'abi Şot'in Kənan oç̌ala,
17 Ama İz azuk'a çark'est'ala amdara yaq'abeney saturběš Şot'in:
18 İz turmux zinciren ğaç̌eśi,
19 Mone, hariyal bexe c'eri İosifi saturběš ak'i piyorox bito,
20 Şadt'unbi şot'o padçaği əmiren,
21 Şot'o eçeri iz sarayi kalone laxi,
22 Ölkin əşurxo taşaloroxe şot'ay əyiten taysay,
23 T'e vədə İsrail hayzeri Misirəne hari,
24 Buxačuğonal İz azuk'i saya avuzbi
25 T'etəre bi ki, nifrətbsat'un burqi t'e düşmənxon İz azuk'a,
26 Ama Buxačuğon İz k'ul bakala Moiseya q'a
27 Nu ak'eśi əşurt'un ak'est'i şot'oğon t'e ölkin amdarxo,
28 Bayinq'luğe yaq'abi Şot'in,
29 Misirə bakala xeyurxone p'iya taradi Şot'in,
30 Bědalaq'xone haq'layinşi şot'oğoy oç̌ala,
31 T'at'urxone haq'i t'e ölkinə Şot'ay sa əyiten,
32 Təəre yaq'abi şot'oğoy loxol Buxačuğon ağalin gala,
33 T'api əfçinebi şot'oğoy t'ulluğxo q'a incilnə xodurxo t'e təəren,
34 Çərtk'ənxone hari lavabaki Şot'ay əmiren,
35 Kəyt'un şot'oğon oç̌ali loxol göyün k'ə buneysa bitova,
36 Oşa bisune hari t'e ölkinə bakala k'ojin kala ğarmoğoy bitot'aynak',
37 Metərluğen c'evek'i Şot'in israilluğo t'et'iin,
38 Mǔqt'uniy misirluyox şot'oğoy c'eysuna,
39 Asoyen but'k'i q'orişebi şot'oğo Buxačuğon,
40 Azuk'en içuxun yeq' çureğat'an bildirçinxone yaq'abi şot'oğoynak',
41 Q'ayana qı̌bi xene c'evk'i t'et'iin Şot'in,
42 Şot'o görə ki, eyexey Şot'ay İzi ğaç̌eśi irəziluğ,
43 İz ç̌oyen axšumk'ane c'eri Şot'ay azuk',
44 Q'erəz azuk'xoy oç̌alxone tadi şot'oğo Buxačuğon,
45 Şot'oğoy İz laxi q'aydoğon tayseynak',