1 Ay bez elmux, \+w Q'ončuğo\+w* alxışp'a!
2 İşiğa Vi loxol paltar taradala k'inək' taradalonu Hun,
3 Şot'oxun Vaynak' xeyurxoy loxol çadır zapiyonu.
4 Muş Vi əyiten tağala k'inək'e taysa angelxo Vi əyiten,
5 Oç̌ali binorina laxi ost'aarbiyonu Hun,
6 Bə̌ğə̌loy xeyurxonen bəc'ürpi Hun şot'o,
7 Ama zap'eśi şorox ük'e q'ı̌ badala Vi harayaxun,
8 Buruxmoğoy döşen taśi dərənet'un bari,
9 Bandenbi Hun şot'oğoy běšt'an,
10 Arxen taşeri dərənen bane Hun xeyurxo,
11 Çöle bakala heyvanxont'un ǔğsa me xenaxun,
12 Q'uşurxon mest'un biq'sa t'e xene t'ǒğǒl bakala xodurxoy loxol,
13 Buruxmoğon xelayinşbsa Hun Vaynak' göynul laxi çadıraxun,
14 Oya heyvanxoynak',
15 İçoğoy ük' qayeseynak' bakala fina,
16 Mone, xe duğeśene \+w Q'ončuğon\+w* bit'i xodurxo,
17 Q'uşurxon mest'un biq'sa t'e xodurxoy loxol,
18 Çölnə keçiğoynak' alloy buruxmux,
19 Xaşurxo hari badalbaksuna ak'est'ala xaşan yaratmişi Hun,
20 Üşe bakseynak',
21 Cəyil aslanxone ğırıpsun ǒxə̌lə c'eysa,
22 Běğ c'eğat'an isə zap't'unsa şorox,
23 T'e vədə amdari c'eri iz əşlə biq'ala vədəne eysa,
24 Ay \+w Q'ončux\+w*, mo heq'ədər şeyen yaratmişe Hun!
25 Me kala, bə̌ğə̌loy dənizə běğa!
26 Gəmiyoxe taysa t'e dənizi loxolxun,
27 Mot'oğoy bitot'in Vi kiyele běğsa,
28 Yemen śine şot'oğoy běš, şot'oğonal girt'unbsa,
29 İçoğoxun Vi ç̌oya taradat'an isə vəlvəlinət'un bafst'a,
30 Şot'oğoy boş elmux fupi nanaxun bakest'aloval Hunnu,
31 Barta \+w Q'ončuğoy\+w* s'i həmişə t'ap'eśeq'an,
32 Oç̌ale iz ganuxun gale Şot'in běğat'an,
33 Bez ömüri axıral śirik' \+w Q'ončuğoy\+w* s'iya alaboz,
34 Çurezsa ki, bez ǰomoxun c'eğalorox Şot'ay ük'elq'an bask'i,
35 Barta günaxkərxoy tumq'an əfçibaki,