1 Müdrik ğaren bavay tadala tərbiyinə ǔmǔxe laxon,
2 Amdaren iz muze şaat' əyitin xeyirəne ak'on,
3 İz muza efalt'in iz elmoğone q'orişon,
4 Tənbəli niyət iz boşe mandon,
5 Düzgün amdaren əfçinə nifrətebon,
6 Kamilluği yaq'a bakalt'u düzgünluğen q'orişebon,
7 Amdaro ki, izi hik'k'al butene, içu varlune ak'est'a,
8 Dövləten amdari elmoğo xatinaxun çark'esedon,
9 Düzgün amdarxoy işiğ güre bok'on,
10 Amdari içu ala biq'sunen saycə davane eçon,
11 Havayi eğala dövlət usume irameğon,
12 C'əyi bex p'ap'ala arzu ük'e q'ač'e,
13 Tərbiyinə nu q'abulbalt'in içune zərəl tadon,
14 Müdrik amdari zombsun yəşəyinşest'ala orayine,
15 Düz q'amişakalo amdarxoy piyes şaat'e ak'eğon,
16 Ə̌xilak'alt'in hər əşlə avabaksunene biq'sa,
17 Pis elçi bəlinəne baft'on,
18 Tərbiyinə iradbalo kəsib saal biyabure bakon,
19 Arzuna p'ap'sun amdareynak' muč'ane eğon,
20 Müdrikxoxun arśi-hayzalt'in müdrikluğe q'azayinşon,
21 Günaxkərəxun şər kamtene,
22 Şaat' amdari girbiyo iz nəvoğoynak'e mandon,
23 Kəsibi oç̌alen bol məhsul taaldayin,
24 Ğara nu çureğalt'in şot'o tene cazalayinşon,
25 Düzgün amdar həmişə boşe bakon,