1 Tərbiyinə çureğalt'in avabaksune çureğon,
2 \+w Q'ončux\+w* şaat' amdaraxun irəzine mandon,
3 Amdaren içu şəren möhk'əm tene bon,
4 Şaat' çuux işq'ari biin tace,
5 Düzgün amdarxoy niyət düzgünluğe,
6 Şər amdarxoy əyitmux p'i śipseynak'e,
7 Pisorox biti əfçit'unbakon,
8 Müdrikluğa görə amdara tərift'unbon,
9 İzi sa k'ul bakala adi amdar baksun
10 Düzgün amdaren iz heyvanal goroxe eysa,
11 İz oç̌ala bit'i-exp'alt'in boşşamin šume ukon,
12 Şər amdaren pisluği yaq'e q'azancane tamaxbon,
13 Pis amdara əfçi əyitmoğon təlinəne badon,
14 Amdari ǰomoxun c'eğala şaat' əyitenal xeyir-bərəkəte eçon,
15 Səfeyi yaq' iz piyes düze ak'eğon,
16 Səfeyen iz əcuğo kap ç̌oyele c'evk'on,
17 Düzgün şahiden serinəne əyitk'on,
18 Fikirbinut' əyitk'alt'ay muzen q'ılınc k'inək' yaralayinşebon,
19 Düz əyit həmişəluğe yəşəyinşon,
20 Pis niyət bakalt'ay ük'e şəre bu,
21 Düzgün amdar sal sa vədə bəlinə tene baft'on,
22 \+w Q'ončuğon\+w* əfçi əyitəxun irit'ene,
23 Ə̌xilak'alt'in iz avabakalt'u bayan tenebon,
24 Çalışakalt'ay kiin içu ağane bon,
25 Narahatluğen amdari ük'əne t'ǒpevk'on,
26 Düzgün amdaren iz ı̌šat'u yaq'e ak'est'on,
27 Tənbəli kiyel ǒxə̌lbi heyvan bafaldayin şot'o tene ap'esp'on,
28 Düzgünluği yaq'a yəşəyinşe bu,