1 Solomoni məsəloox:
2 Pis yaq'en gireśi dövlətəxun xeyir ext'es tene bakon,
3 \+w Q'ončuğon\+w* düzgün amdara busa tene efon,
4 Tənbəl kulmoğon kəsibluğane taşon,
5 Yəynul məhsul girbala ğaren iz müdrikluğane ak'est'on,
6 Düzgün amdari loxol bol xeyir-bərəkəte eğon,
7 Düzgün amdarxo p'urit'uxun oşal eyex bast'unen xeyir-bərəkəte eçon,
8 Həgigi müdrik bakalt'in buyruğxo q'abulebon,
9 Təmiz ük'en tarak'alo dince yəşəyinşon,
10 Pis niyəten pul q'ic'k'alo bəlinəne baft'on,
11 Düzgün amdari ǰomoxun c'eğalorox amdara yəşəyinşest'ala orayine,
12 Nifrəten davane eşt'a,
13 Q'amişakala amdari muzexun müdrikluğe baron,
14 Müdrik amdarxon avabaksunt'un girbon,
15 Dövlətlüt'ay var-dövlət izi q'alalu şəhəre,
16 Düzgün amdari mükfət yəşəyinşe,
17 Tərbiyinə q'abulbalo yəşəyinşi yaq'ane bakon,
18 İz nifrətə c'ap'p'alt'in əfçine əyitk'on,
19 Gele əyitk'ala amdar günaxane baft'on,
20 Düzgün amdari muz təmiz gümüşə barabare,
21 Düzgün amdari əyitmoğon gele amdareynak'e xeyir eçon,
22 \+w Q'ončuğoy\+w* xeyir-bərəkəte amdareynak' var-dövlət eçalo,
23 Q'ammazeynak' şər əşur biq'sunene mǔqluğ eçon,
24 Şər amdaren het'uxun q'ı̌nebsasa, şoval iz bel eğale,
25 Muş ěqeśi şər amdarxo fupi taneşon,
26 J̌omoynak' oq'oy, pulmoğoynak' k'üün hetəresa,
27 \+w Q'ončuğo\+w* çalxalt'ay ömür boxoyebakon,
28 Düzgün amdarxoy yaq'běğsun mǔqluğene çark'on,
29 Ük' təmiz amdarxoynak' \+w Q'ončux\+w* bač'ane baksa,
30 Düzgün amdarxo içoğoy ganuxun tet'un galk'al,
31 Düzgün amdari ǰomoxun müdrikluğe barst'a,
32 Düzgün amdari muzen iz əyitk'alt'u avane,