1 O Maaron, uul ghau lak!
2 Aazne, agheg brusia ila tiiŋ tiina.
3 Maaron, yau nasaghat wa.
4 Tamtamon tau tighurghur koi payau ne, yes eval le eval kat. Tiliiv dabag raua.
5 Maaron, yo uwatagh: Yau nagham ŋgar sasaghati naol imin yes borauŋa.
6 Yoova, yo Maaron saksakim ve uŋgin gabua naol isov. Uul ghau lak!
7 Yau nabesbees payo, tauta tamtamon tisiksik saveeŋ veleghiiŋ payau.
8 Taug siŋ tsiau tighit ghau imin yau ŋeer suumbu.
9 Ŋgar tsiau iyaryaaŋ naghe le nagharaat rumei tsio. Eemon ŋgar tane, ta aazne imin puughu pa nabaad pataŋani tiina imin yav ighan ghau.
10 Saawe tau natatan taug, ve naŋgun taug pa ghaniiŋ aniiŋ,
11 Ve saawe tau lolog ipataŋan, ve nagharaat taug mako, ve nanonogh ghau pa uuli to moŋiiŋ, tiŋiŋ payau.
12 Yes tau tiluplup zi ila maaran aate na, tisisinai ghau.
13 Eemon suŋuuŋ tsiau iŋaŋarui ghom mon.
14 Upas ghau navot pa pataŋani tiina tane.
15 Uul ghau. Mako pale yaa ivot toman tapiri ve izugh ghau, ve igherev ghau gha nalaleg!
16 Yoova, yo poiam. Lolom isaghav tamtamon tsio ve uluul zi irau saawe. Tauvene ulooŋ suŋuuŋ tsiau tane ve uul ghau.
17 Yau besooŋa tsio. Uŋgooz naghom payau sov.
18 Ulam uyooz ila zigeg, ve uul ghau.
19 Ŋgar tau koiagŋa tighamgham payau ne, yo uwataghi wa.
20 Saveeŋ veleghiiŋ tau tisiksiki payau, ene igham lolog ipataŋan kat. Naghita naghe irau poiag muul mako.
21 Saawe tau pitool ghau, koiagŋa tighur gabua lilia ila aniiŋ tsiau.
22 Tauvene suŋuuŋ tsiau iŋarui ghom naghe: Saawe tau koiagŋa yesŋa zetazŋa tilup zi pa ghanghaniiŋ, na ugham boor tau aniiŋ toozi igheen izala na, imin liis pazi ve ivaghamun zi.
23 Ugham matazi ikumkuum, leso tighita nugh muul sov.
24 Naghe uŋgal matazi ve tiyamaan katin aatyavyav tsio.
25 Upasov zi le nugh toozi balim.
26 Pasaa, tamtamon tau yo ulosi ve ughur pataŋani pani na,
27 Sosor to zeran tawe, lolom iveegh pani sov.
28 Umus ezazi pa rau to lepoogh maata yaryaare.
29 O Maaron, aazne nabaad pataŋani ve nayamaan yavyavuuŋ tiina.
30 Yau aat nambou ve napait Maaron eeza. Pasaa, i igham ghau lolog poia kat.
31 Ŋgar tauvene, ene igham Yoova loolo poia kat le iliiv makau katini tau tighamgham zi pa watooŋrau na.
32 Yes tau tinumeer Maaron ve tibadbaad pataŋani na, isaav ighe tighita Maaron iuul ghau, ene pale tintinizi.
33 Pasaa, yes tau tibadbaad pataŋani ve tinumeer Yoova na, i iloŋlooŋ suŋuuŋ toozi.
34 Sambam saamba, taan, ve te, tomania gabua naol isov tau tilepaar ila na, yam asov apait Maaron.
35 Pa i pale igham mulin nugh Zion, ve ipaburigin nugh tisov to Yudea muul.
36 Ve murei, taan toozi pale izi pa paaghu toozi, ve tighamu imin lezi, ve tileep ila.