1 Maaron aat iburig ve ireu mbirisai koiŋa.
2 I aat ipasov zi le tisov kat, imin yav mbuasa tau izaa, ve yaghur ivuvuura gha ilale.
3 Eemon zeran duduŋazi, yes pale lolozi poia kat.
4 Ambou pa Maaron. Ambou ve apait eeza, ve agharaat eez pani.
5 Maaron ileep ila niia patabuyaaŋ, ve iŋginŋgin yes parooŋa imin tamazi.
6 Yes tau zigazi tileep, ene pale Maaron igham tamtamon siriv timin zetazŋa, leso yesŋa tilup zi ve tileep.
9 Maaron, taan tau yo ugham pa tamtamon tsio na, isaav ighe aaz tiina ve igorgor,
10 Tamtamon tsio tigham taan tane imin lezi nugh to lepoogh.
11 Ŋeer Tiina ivotia malmal vaaru ighe i iliiv koiŋa wa.
12 “Ou alooŋ! Yes kinik tomania zaaba toozi tila wa. Tisov tighawaar wa!
13 Zilivaa tsiei tipabood zi pa silva ma gol le paghunazi kat, imin mbunumoor tau tigharaata pa silva, ve tipaak gol milmilia ila baage.
14 Saawe tau Maaron saksaki ireu mbirisai yes kinik,
15 Loloz to nugh Basan, ene tiina ve daaba izala kat, ve le mbua ve sapsapu katini.
16 Loloz to nugh Basan, yo lem mbua naol. Puughu mindai ta ughita Maaron igham loloz Zion imin niia to lepoogh, ve ireu lolom? Tauta lolom isaghat pani ne?
17 Ŋeer Tiina ipul loloz Sinai, ve ilaagh tomania karis tooni ndiŋndiŋ ndiŋndiŋ to malmal,
18 Maaron, yo ugherev koiamŋa katini tau uliiv zi na,
19 Tapait Ŋeer Tiina pa poia tooni!
20 Maaron toit, i Maaron to uleeŋ.
21 Maaron pale irav valaghin koiŋa dabazi.
22 Ŋeer Tiina isaav ighe: “Koiagŋa irau tighau mako.
23 Siŋizi pale ireer izi, ve ipot ila taan paavo, leso awai ila.
24 Maaron, yo kinik tsiau.
25 Yes to mbouŋ timuuŋ,
26 Yam Israela tau avot ila to Yakop na, alup gham ila Maaron naagho ve apaiti pa poia tooni.
27 Aghita. Rumei to Benyamin tau eval mako na, timuuŋ.
28 Maaron, yo usaav ariaaŋ pataghaaŋ ughe yei Israela aat lemai tapirimai tiina ve niyooz ariaaŋ.
29 Yes kinik to taan pale tilam tivot Yerusalem, ve tigham lem gabua popoia iloŋ ila rumei tsio patabuyaaŋ.
30 Yes Isipa tilepleep ila pizpiiz loolo ta yaa Nil ziige we imin poghai.
31 Kinik to yes Isipa pale imbaaŋ uraata tooni tilam Yerusalem, leso yeŋa nisavsaav pa lupuuŋ tsiei.
32 Yam kinik to taan tomania tamtamon tsiam, ambou pa Maaron.
33 I Ŋeer tau ileep izala taitai paavo, ve ilandoova ila sambam saamba tau igheen muuŋ geeg ve ilam.
34 Tauvene yam avotia Maaron tapiri.
35 Maaron to iit Israela, i ilepleep iloŋ ila rumei tooni patabuyaaŋ ve itotoi tapiri.