1 Zeran sasaghati tau aazne tipapakur zi na, ugham ŋgar naol pazi sov.
2 Pale tileep rig, mako tisaghat imin kikiliiŋ tau aaz ighaazo gha imalai.
3 Unumeer Yoova, ve ugham ŋgar poia mon.
4 Lolom poia pa Yoova tauu.
5 Saa ŋgar tau yo ughe ughamu na, unumeer Yoova, ve ughur taum ila i niima.
6 I pale igham ŋgar tsio duduuŋa igheen ghazooŋa kat ila tamtamon matazi, imin aaz mbonari.
7 Isaav ighe uraat to zeran sasaghati ilaan poia, ve tiyau lezi gabua naol ila eez saghati,
8 Tauvene atem yavyav ve ugham ŋgar naol sov.
9 Pasaa, Yoova pale ipasov zeran sasaghati gha tilalez.
10 Malau mako pale zeran sasaghati tisov tilalez.
11 Eemon yes tau titatan tauzi ezazi ve tinumeer Yoova, yes pale tileep poia ila taan tau i igham pa tamtamon tooni.
12 Zeran sasaghati tilup zi ve tiil eez to tivaghamunia tamtamon duduŋazi.
13 Eemon Yoova, i iŋiŋ pazi.
14 Zeran sasaghati tipas mbuzaagh toozi to tirav yes mbolaaŋa tau tirau gabua eta mako na.
15 Eemon Yoova pale ipamuul mbuzaagh toozi imuul pa tauzi.
16 Isaav ighe tamtamon duduuŋa eta le gabua ŋgiira mon, ene irau.
17 Pasaa, Yoova pale ipasov zeran sasaghati tapirizi.
18 Yes tau lezi sosor ila Maaron maata mako na, Yoova iwatagh lepoogh toozi, ve maata pazi.
19 Saawe tau ighe pataŋani ivot, yes pale tileep poi.
20 Eemon zeran sasaghati pale tisov tilalez.
21 Zeran sasaghati tighamgham bun, ve tiyatu mako.
22 Yes tau poia to Yoova izazaa toozi na, pale tileep poia ila taan tau i igham pa tamtamon tooni.
23 Yes tau titaghon eez to Yoova na, tighamu loolo poia kat.
24 Tamtamon tauvene, isaav ighe aaghe ilot pa gabua eta, ene irau itap mako.
25 Saawe tau yau kukuag gha ilam aazne namin kooŋ ne, yau naghita Yoova ighur muuri pa tamtamon duduŋazi pai eta soone.
26 Tamtamon duduŋazi matazi reiŋ gabua, ve tiyokyok pa tamtamon to tigham bun ila toozi.
27 Ughur murim pa ŋgar saghati, ve ugham ŋgar poia mon.
28 Pasaa, Yoova loolo pa ŋgar duduuŋa.
29 Zeran duduŋazi pale tigham taan tau Yoova igham pa tamtamon tooni na,
30 Saveeŋ tau ivotvot ila tamtamon duduŋazi avozi, ene ŋgar poia igheen ila.
31 Tutuuŋ to Maaron toozi igheen ariaaŋ ila lolozi ve ŋgar toozi.
32 Zeran sasaghati tighamgham lilin tamtamon duduŋazi.
33 Eemon Yoova ivolvool to tamtamon tooni. Irau ipul zi tileep ila koiazŋa nimazi ne mako.
34 Tauvene atem izi, ughur matam pa Yoova, ve utaghon duduŋai eez tooni.
37 Matam ila pa yes tau lezi sosor mako, ve ugham ŋgar pa yes tau ŋgar toozi popoia mon na, ve ughita saa ŋgar ta ivotvot pazi.
38 Eemon yes to zoraaŋ Maaron aliiŋa, Yoova pale irav zi tisov timatmaat.
39 Yoova, i Uleeŋa to tamtamon duduŋazi.
40 I iuluul zi, ve ipaspas zi pa pataŋani toozi.