1 Yes tau tighamgham sosor mako, ve laghooŋ toozi iduduuŋ mon itaghon saveeŋ to Yoova,
4 Yoova, yo ughe nitaghon tutuuŋ tsio eŋaeŋa ŋgara le nitaghoni kat.
5 Tutuuŋ tsio tau tigheen pataghaaŋ na, yau naghe le nayaryaaŋ pa taghoniiŋ zi.
6 Pa ighe matag iŋgalŋgal tutuuŋ tsio tisov,
7 Eez tsio to gabizooŋ gabua, ene iduduuŋ mon. Isaav ighe upaghazoŋai ghau pani,
8 Tutuuŋ tsio naol tau tigheen pataghaaŋ na, yau aat matag kisin zi ve nataghon zi irau saawe.
9 Isaav ighe ŋeer paaghu eta maata iŋgal tauu ve ighe laghooŋ tooni iŋgalaaŋ mon ila yo matam, ene pale igham saa?
10 Yau naghur lolog isov iŋarui ghom, ve nazuari ghau naghe le nawatagh katin ghom.
11 Yau naghita aliŋam imin gabua tauu. Tauvene naghur poghania ila lolog.
12 O Yoova, yau napait ghom pa poia tsio.
13 Tutuuŋ tsio naol tau yo uvoti zi na, avog pale isavi zi le tisov.
14 Eez tau yo ughuru payei na, saawe tau nataghoni, ene igham lolog poia kat, imin yes tau tipakur zi pa kuaz to taan.
15 Matag itaghon tutuuŋ tsio eŋaeŋa ŋgara naghe le naghazooŋ pazi.
16 Tutuuŋ tsio naol tau tigheen pataghaaŋ na, tigham lolog poia le poia kat.
17 O Yoova, yau besooŋa tsio. Utotoi poia tsio payau.
18 Upaghazoŋai ŋgar tsiau, leso naghilaal ŋgar popoia naol tau tighenaar ila saveeŋ tsio loolo na.
19 Taan tane, ene nugh tsiau duduuŋ mako. Yau naleep namin loom pani mon.
20 Saawe isov, yau napasawal naghe le utotoi ghau pa eez tsio to gabizooŋ gabua, o poi!
21 Yes tau tivelegh ghom ve tipapait tauzi na, yo uyaonyaon zi, ve aatyavyav tsio izazaa toozi.
22 Ve yau, o matag kisin eez tau yo ughuru payei na, ve nataghoni irau saawe.
23 Yes daaba tau tighamgham pooz na paam, tilup zi ve tiliil eez tighe tivaghamun ghau.
24 Eez tau yo ughuru payei, ene igham ghau lolog poia le poia kat.
25 Yau tapirig isov, ve rigmon kanaŋ namaat ve nagheen ila ŋgaupup.
26 Ŋgar isov tau naghamgham zi, ene yau navoti zi payo. Tauta ulooŋ suŋuuŋ tsiau ve uul ghau.
27 Tutuuŋ naol tau yo ughur zi na, upaghazoŋai ghau pa eez to taghoniiŋ zi.
28 Yau lolog ipataŋan le tapirig isov.
29 Uul ghau to naleep soghan pa ŋgar karom.
30 Yau lolog ighur naghe yau aat nataghon eez to saveeŋ onoon.
31 O Yoova, eez tau yo ughuru payei na, yau nakisi igheen tuŋia ila lolog.
32 Yo upaghazoŋai ghau pa gabua katini.
33 O Yoova, tutuuŋ tsio naol tau tigheen pataghaaŋ na, upaghazoŋai ghau pa eez to taghoniiŋ zi.
34 Upaghazoŋai ghau pa saveeŋ tsio ŋgara.
35 Umuuŋ ve utotoi eez payau, leso nataghon tutuuŋ tsio.
36 Upaburigin lolog, leso nataghon eez tau yo ughuru payei na, ve nagham ŋgar pa ndouŋ leg kuaz to taan sov.
37 Upaghau matag pa gabua soroksorok to taan tau anoŋazi mako na,
38 Yau besooŋa tsio. Tauvene matam iŋgal saveeŋ mbuaaŋ tsio, ve ugham anooŋa ivot payau.
39 Saveeŋ saghati tau koiagŋa tisiksiki payau na, ene igham ghau naroi. Pa isaav ighe tamtamon tighur ila saveeŋ toozi tawe, ene pale mayag.
40 O Yoova, yau naghe nataghon tutuuŋ tisov tau yo ughur zi na.
41 O Yoova, yau nawatagh: Yo lolom isaghav tamtamon tsio ve uluul zi. Utotoi ŋgar tana payau paam, o poi.
42 Leso yau irau nayol saveeŋ veleghiiŋ tau tisiksiki payau na.
43 Yau naghurghur matag pa gabizooŋ tsio.
44 Yau aat nataghon saveeŋ tsio irau saawe.
45 Tutuuŋ naol tau yo ughur zi na, yau nazuari ghau pa taghoniiŋ zi.
46 Eez tau yo ughuru payei na, yau aat navotia ila yes kinik naghozi paam.
47 Tutuuŋ tsio ta naol ne, tigham lolog poia le poia kat.
48 Yau lolog pa tutuuŋ tsio ta naol ne, ve napatab pazi. Tauvene nait nimag izaa, ve napait ghom pa tutuuŋ tsio.
49 Yau besooŋa tsio. Matam iŋgalŋgal saveeŋ tau umbua tomani ghau na.
50 Isaav ighe pataŋani igham ghau, ene pale saveeŋ tsio iuul ghau to naleep poia.
51 Yes tau tipapait tauzi ve tivelegh ghom na, monmon tivevelegh ghau paam.
52 O Yoova, yau matag iŋgalŋgal saawe naol tau muuŋ ugabiiz tamtamon ve ughur atuya pazi.
53 Isaav ighe naghita zeran sasaghati tighur murizi pa saveeŋ tsio,
54 Taan tane, yau naleep pani namin loom mon,
55 Yoova, matag iŋgalŋgal ghom pa mboŋ paam, ve nataghon saveeŋ tsio.
56 Yau gabuag tauvene:
57 Yoova, yau naghit ghom naghe yo gabua tauu. Yau naleep ilat tsio imin taan poia ee tau tipuli payau to naleep ila.
58 Taŋiiz tsiau iŋarui ghom toman lolog:
59 Yau nagabiiz laghooŋ tsiau naghe ene iduduuŋ mako.
60 Ve irau nasaŋan mako.
61 Zeran sasaghati tighur liis naol to tikis ghau.
62 Yau naburig pa mboŋ anooŋa,
63 Yes tau tiroi payo ve titaghon ŋgar tsio na,
64 O Yoova, yo lolom isaghav tamtamon tsio ve uluul zi. Ŋgar tsio tana, yo utotoia irau taan isov.
65 O Yoova, yau besooŋa tsio. Yo ughamgham poghani ghau kat itaghon saveeŋ mbuaaŋ tsio.
66 Yau naghur ila naghe tutuuŋ tsio ta naol ne, ene popoia mon.
67 Muuŋ, yau nasosor pa eez tsio.
68 Yo poiam kat. Ve ŋgar tau ughamgham zi na paam, ene popoia mon.
69 Yes tau tipapait tauzi ve tivelegh ghom na, tiŋgalŋgal saveeŋ karom payau ve tivaghamunia ezag.
70 Zeran tawe lezi ghilalooŋ rigta mako.
71 Pataŋani tau muuŋ igham ghau, ene poia.
72 Saveeŋ tau ivot ila avom na, yau naghita imin gabua tauu.
73 Taum nimam igharaat ghau, ta navot.
74 Yes tau tiroi payo ve titaghon ŋgar tsio, isaav ighe tighit ghau, ene pale lolozi poia.
75 O Yoova, yau nawatagh: Eez tsio to gabizooŋ tamtamon, ene iduduuŋ mon.
76 Yo lolom isaghav tamtamon tsio ve uluul zi.
77 Lolom isaghatin ghau, ve uul ghau to naleep poi.
78 Yes tau tipapait tauzi ve tivelegh ghom na, tinoknok ŋgaliiŋ saveeŋ karom payau. Utatan zi ve ugham zi mayazi.
79 Yes tau tiroi payo ve titaghon ŋgar tsio, o tilam payau ve yeŋa nilup ghei.
80 Yau naghe ŋgar tau igheen ila lolog ne, eta isosor sov, ve nataghon duduŋai tutuuŋ tsio naol tau tigheen pataghaaŋ na. Leso mayag sov.
81 O Yoova, yau nakaria saŋaniiŋ pa uleeŋ tsio, le tapirig isov kat.
82 Yau naghurghur matag naghe naghita saveeŋ mbuaaŋ tsio ighur anooŋa. Eemon nasaŋan le mako.
83 Yau nasaghat ve tamtamon lolozi iveghai ghau wa. Tighit ghau namin pen.
84 Yau besooŋa tsio. Puughu mindai ta yo umamarar koiagŋa, ve tighamgham pataŋani payau?
85 Ughita. Yes tau tipapait tauzi ve tivelegh ghom na, titai puura payau tighe natap nazila.
86 Tutuuŋ tsio tisov, ene popoiazi mon. Tauvene yei irau ninumeer zi to tipaduduuŋ ghei.
87 Pasaa, malau mako pale tipasov lepoogh tsiau to taan.
88 Yo lolom isaghav tamtamon tsio ve uluul zi. Tauvene uŋgin ghau naleep poi.
89 O Yoova, saveeŋ tsio pale iyaryaaŋ izi sambam, ve ighengheen tauvene taghon taghon gha ila.
90 Tamtamon tipopoop, ve paaghu toozi tivotvot taghon taghon gha ila.
91 Muuŋ le ilam aazne, gabua naol isov tigheen tuŋia ila niazi niazi itaghon saveeŋ tau yo usavia na.
92 Saveeŋ tsio igham lolog poia le poia kat.
93 Tutuuŋ naol tau yo ughur zi na, irau lolog iveegh pa eta mako. Mako le mako kat.
94 Yau namin lem wa. Tauvene ugham mulin ghau lak!
95 Aazne, zeran sasaghati tighamgham lilin ghau tighe tirav ghau namaat.
96 Yau naghita gabua eta tau ivot geeg ne mako. Gabua ta naol ne, tisov timuul mon.
97 Yau lolog pa saveeŋ tsio kat!
98 Tutuuŋ tsio igheen ila ŋgar tsiau irau saawe.
99 Ŋgar tsiau iliiv yes ŋgara tau tipaduduuŋ ghau ne paam.
100 Ve ŋgar tsiau iliiv zolmana ŋgar toozi paam.
101 Yau napaghau taug pa eez sasaghati ta naol ne,
102 Yau naghur murig pa tutuuŋ tsio duduŋazi mako.
103 Tok suuru, ene poia pa ghunuuŋ. Eemon saveeŋ tsio, ene poia le poia kat. Iliiv tok suuru.
104 Tutuuŋ naol tau yo ughur zi na, ene tiuul ghau pa ghilalooŋ ŋgar poia.
105 Saveeŋ tsio, ene imin lam tau isul ghau.
106 Gabizooŋ tsio, ene iduduuŋ mon. Tauta nambu saveeŋ payo ve napariaaŋa le iyaryaaŋ kat naghe yau aat nataghon eez tsio to gabizooŋ gabua.
107 O Yoova, pataŋani tiina kat igham ghau le naleep saghat.
108 Yau lolog poia payo ve napait ghom pa poia tsio.
109 Monmon yau nalepleep ila naal aavo.
110 Onoon, zeran sasaghati tighur liis payau.
111 Eez tau yo ughuru payei, ene gabua poia tau yo ugham payau. Yau aat nakiskisi tauvene taghon taghon gha ila.
112 Tutuuŋ tsio naol tau tigheen pataghaaŋ na, ŋgar tsiau iyaryaaŋ naghe yau aat nataghon zi le irau saawe tsiau isov.
113 Yes tau tibees payo toman lolozi eemon mako ve ŋgar toozi ru na, yau lolog pazi mako.
114 Yo umin niag to yoŋgaaŋ, ve umin sigheu payau.
115 Yam zeran tau aghamgham ŋgar saghati na, aghau payau!
116 O Yoova, upalot ghau itaghon saveeŋ mbuaaŋ tsio. Leso nayooz ariaaŋ ve naleep poia.
117 Ukis ghau tuŋia.
118 Tamtamon tisov tau tisapir pa tutuuŋ tsio na, yo ughur murim pazi.
119 Zeran sasaghati tau tileep izi taan na, yo ughit zi timin pen ve usik zi tilalez.
120 Yau nagham ŋgar payo, le roiŋ tiina igham ghau ve tinig irur.
121 Yau nagham ŋgar popoia ve ŋgar duduuŋa mon.
122 Yau besooŋa tsio. Tauvene uyooz payau ve uul ghau. Leso naleep poi.
123 Yau naghurghur matag pa uleeŋ tsio. Ve nakaria saŋaniiŋ wa.
124 Yo lolom isaghav tamtamon tsio ve uluul zi. Utotoi ŋgar tana payau paam. Pa yau besooŋa tsio.
125 Yau besooŋa tsio. Tauvene upaghazoŋai ghau, leso naghilaal ŋgar poia, ve nawatagh katin eez tau yo ughuru payei na.
126 O Yoova, aazne tamtamon tizorzoor saveeŋ tsio.
127 Onoon kat, yau lolog pa tutuuŋ tsio ta naol ne iliiv gol.
128 Tauvene tutuuŋ naol tau yo ughur zi, tauta ipaduduuŋ ghau pa laghooŋ tsiau.
129 Eez tau yo ughuru payei, ene poia le poia kat.
130 Isaav ighe tipaghazoŋai saveeŋ tsio puughu pa tamtamon, ene imin ghazooŋa pazi.
131 Yau lolog pa tutuuŋ tsio kat,
132 Matam ilam payau, ve ugham poghani ghau.
133 Upaduduuŋ ghau, leso laghooŋ tsiau iduduuŋ itaghon saveeŋ tsio.
134 Yes tau tighamgham pataŋani payau to titatan ghau na, ugham mulin ghau ila nimazi.
135 O Yoova, yau besooŋa tsio. Naghe lolom poia payau ve ugham poghani ghau.
136 Yau nataŋtaŋ, ve matag suuru irereer izizi imin yaa.
137 Yoova, yo duduŋam kat.
138 Eez tau yo ughuru payei, ene iduduuŋ mon.
139 Ŋgar tsiau iyaryaaŋ kat naghe tamtamon tisov titaghon aliŋam.
140 Yau besooŋa tsio. Lolog isaghav saveeŋ tsio, ve nanumeera kat. Pasaa, natoova le naghita naghe ene onoon.
141 Onoon, yau ŋeer sorok ve tamtamon matazi izi payau.
142 Ŋgar tsio duduuŋa pale ighengheen tauvene taghon taghon gha ila.
143 Onoon, pataŋani naol itatan ghau, ve igham ghau lolog ipataŋan kat.
144 Eez tau yo ughuru payei, ene iduduuŋ mon, ve ighengheen tauvene irau saawe.
145 O Yoova, yau nataŋ rarai ghom toman lolog. Ulooŋ suŋuuŋ tsiau ve uul ghau.
146 Taŋiiz tsiau iŋarui ghom. Upas ghau navot pa pataŋani tsiau tane.
147 Yau naghur ila saveeŋ mbuaaŋ tsio, ve naghurghur matag naghe naghita anooŋa ivot.
148 Ve mboŋ ta naol ne paam, yau namamaat.
149 O Yoova, yo lolom isaghav tamtamon tsio ve uluul zi. Tauvene ulooŋ suŋuuŋ tsiau tane, ve uul ghau naleep poi. Pasaa, gabizooŋ tsio, ene iduduuŋ mon.
150 Aazne, zeran sasaghati tilam tigharau ghau tighe tivaghamun ghau.
151 Eemon Yoova, yo uleep zigeg.
152 Ta muuŋ ve ilam, yau naghilaal naghe eez tau yo ughuru payei, yo ughe igheen tauvene irau saawe.
153 Yoova, ughita pataŋani tsiau tane, ve upaghau ghau pani.
154 Aazne, tamtamon tipayooz ghau sorok pa savsaveeŋ. Tauvene uyooz payau ve uul ghau naleep poi itaghon saveeŋ mbuaaŋ tsio.
155 Zeran sasaghati, yo uluul zi mako.
156 O Yoova, yes tau tileep ila pataŋani loolo na, lolom isaghatin zi kat.
157 Pasaa, koiagŋa tau tighamgham pataŋani payau ne, yes eval kat.
158 Yau naghita yes tau tighur murizi payo na, le irau lolog mako kat.
159 O Yoova, ughita. Tutuuŋ naol tau yo ughur zi na, yau lolog isaghav zi kat.
160 Saveeŋ tsio puughu ene vene: Yo avom onoon ve utaghon saveeŋ mbuaaŋ tsio irau saawe.
161 Yes daaba to taan tighurghur pataŋani payau sorok. Eemon yau naroi pazi mako.
162 Saveeŋ tsio igham ghau lolog poia le poia kat,
163 Ŋgar karom naol isov, ene lolog pazi mako kat ve naghur koi pazi.
164 Mataaz ta naol ne, napapait ghom pai liim ve ru.
165 Yes tau lolozi isaghav saveeŋ tsio, ene pale tileep poia kat.
166 O Yoova, yau nataghon tutuuŋ tsio ta naol ne,
167 Eez tau yo ughuru payei na, yau lolog isaghavu kat.
168 Yau nataghon eez tana tomania tutuuŋ naol tau yo ughur zi na.
169 O Yoova, ulooŋ taŋiiz tsiau tane.
170 Ughur taliŋam pa suŋuuŋ tsiau, ve upas ghau navot pa pataŋani tsiau itaghon saveeŋ mbuaaŋ tsio.
171 Yo upaghazoŋai ghau pa tutuuŋ tsio naol tau tigheen pataghaaŋ na.
172 Yau aat nambou mbouŋ tau iŋarui saveeŋ tsio.
173 Nimam isaŋan pa uleeŋ ghau.
174 O Yoova, yau napasawal pa uleeŋ tsio.
175 Upul ghau naleep matag iyaryaar, leso napait ghom.
176 Yau besooŋa tsio. Eemon aazne nasosor pa eez tsio ve navalaghlaagh imin sipsip tau ighau ila ve ilale.