1 Apait Yoova pa poia tooni, ve avotia eeza tiina.
2 Ambou pani. Ambou ve apakuru.
3 Yoova, i eeza patabuyaaŋ. Apaiti toman lolomim poia.
4 Suŋuuŋ tsiam iŋarui Yoova. Leso ipalot gham pa tapiri.
7 Yoova, i mon ta Maaron toit.
8 I monmon maata iŋgalŋgal saveeŋ mbuaaŋ tooni, ve itataghoni.
9 Muuŋ, i imbu saveeŋ tomania Abaram ighe yesuru tivalupu zi timin eemon.
12 Saawe tana, yes eval mako.
13 Laghooŋ toozi, titaghon ŋgar tauvene: Tileep rig izi nugh ee, mako tiburig muul ve tila tileep izi nugh ite.
16 Murei, ra Yoova igham pitool tiina ivot izi taan Kanaan.
17 Eemon Yoova imbaaŋ toozi ee imuuŋ pazi ila Isip.
18 Yes Isipa tizeeva iloŋ ila ruum to yavyavuuŋ,
19 Yoova itovtoov Yosep tauvene, le irau Yosep ivotia gabua siriv pa yes Isipa, le saveeŋ tooni anooŋa ivot.
20 Ra kinik to yes Isipa tau iŋgin nugh naol na, imbaaŋ ila ighe tipul Yosep ivot pa ruum to yavyavuuŋ.
21 Ve ighur Yosep imin daaba to Isip, ve ipuliir ruum tooni tomania gabua tooni naol isov ila i niima, leso iŋgin zi.
22 Tauta Yosep imin daaba pa yes tau tighamgham uraat pa kinik na.
23 Eez tane ta yes Israela tau siŋ to Yakop na tila tivot izi Isip,
24 Yoova ipapalot zi, tauta tivot timin eval, le tapirizi iliiv koiazŋa.
25 Ra i itoor ŋgar to yes Isipa, ve tighur koi pa tamtamon tooni.
26 Tauta Yoova imbaaŋ besooŋa tooni ru, Mose gha Aron, leso tiuul yes Israela.
27 Maaron ighe itotoi tapiri pa yes Isipa. Tauta ipalot Mose gha Aron, ve tigham gabua ŋgeretazi naol ve uraat tintiina ila yes Isipa sosozi. Uraat tau ivot izi taan to Ham, ene maata ite kat.
28 Yoova igham ndoroom tiina ikau taan to yes Isipa.
29 Ve i itoor yaa toozi isov imin siŋ,
30 Ra igham gob ndiŋndiŋ ndiŋndiŋ tivot le taan toozi ivon pazi.
31 Ve Yoova isaav, ve lasom tomania suum katini tivot, le tirau taan to yes Isipa.
32 Ve saawe tau uman ighe izi, ene uman izi mako. Yoova igham ais paatu paatu izi le ivaghamunia nugh.
33 Tauta ivaghamunia ai vaen tomania ai fik toozi,
34 Ra isaav, ve siis tivot le katini kat.
35 Ve tighan aniiŋ tau yes Isipa tivazogh zi na raua tomania gabua siriv tau titum ila taan toozi na le isov kat.
36 Murei ra, Yoova iravuur natuzŋa aidabazŋa timataar irau taan toozi isov.
37 Ra Yoova igham yes Israela tipul Isip, ve tivot tila.
38 Saawe tau yes Israela tipul Isip ve tila, yes Isipa lolozi poia kat.
39 Mataaz, Yoova igham taitai ivot gha ipoon aaz maata pa yes Israela.
40 Saawe tau tighasoni pa lezi aniiŋ, i igham man kayau katini tivot, ve igham aniiŋ katini sambam ve izilam pazi.
41 Yoova igham maet ivavaal le aavo ikaak, ve yaa prisia toman tapiri ivot.
42 Yoova igham gabua naol tana pasaa, maata iŋgalŋgal saveeŋ tooni patabuyaaŋ tau imbua tomania besooŋa tooni Abaram.
43 Tauvene Yoova igherev tamtamon tooni Israel tau i tauu isiigh zi na, gha tipul Isip.
44 Murei, ra i igham taan to nugh siriv pazi.
45 Yoova igham tauvene pazi, leso tikis saveeŋ tooni tuŋia,