1 Yam tamtoghon tiou, aghur taliŋamim pa saveeŋ to naghaze napatoot gham pani.
2 Pale avog ikaak, ve nasavia saveeŋ palelaaŋ pida payam.
3 Kamos tonene, nditimbuud tisavia payei ve nilooŋa, tauto niwatagi.
4 Muuŋ, Yoova ipatooŋ tapiri ivot ighazooŋ.
5 Ataam to itiŋa Maaron talup ghiit tanim ee moghon, muuŋ ye ivotia pa nditimbuud to Yakop papaghu toni.
6 Leso yes paam tiwatagi, ve anadi tisavia pa ndinatudi,
7 Ighaze tigham tovene, papaghu todi irau lolodi imaagh pa uraat tintina to Maaron igham di ne maau.
8 Leso tigham ŋgar inimale nditimbudi sob.
9 Papaghu to Epraim, yes tiraua kat pa tivaneg pa pane.
10 Ve saveeŋ to yesŋa Maaron timbua, matadi kisini ve titaghoni maau.
11 Ve uraat tintina toman mbeb gharatooŋadi to muuŋ Maaron ighamgham di ila matadi, lolodi imaagh pani kat.
12 Sawa to nditimbudi tineep izi Isip, Maaron igham mbeb gharatooŋadi tintina izi taan raapa to Zoan, ve tighita pa taudi matadi.
13 Ve sawa to tila tivot izi Te Kaviaaŋa, ye ivalag te le pida ila pa ŋas, ve pida ila pa waan.
14 Ndag, ye igham yaghur tae ivot, leso ipatooŋ di pa ataam.
15 Sawa to tineep izi ndug balim, Maaron irab balagin yaam, ve igham ya ireer ivot pani.
16 Onoon kat, ye igham ya katindi tivot ila yaam, ve tireer tizi le tinim ya tintina.
17 Eemoghon yes tinoknok ghamuuŋ sosor pa Maaron Tiina To Ilib Pa Ndimaronŋa Tisob.
18 Yes titovtoov Maaron tapiri.
21 Yoova ilooŋ saveeŋ todi tonowen, le ipas ate.
22 Pasa, yes tighur ila toni maau.
23 Tovenen Maaron isaav ariaŋa,
24 ve igham aniiŋ manna izi padi.
25 Onoon kat, tamtoghon tighan aniiŋ to yes aŋela.
26 Ghoro ipamundigin yaghur ghaughauru inim.
27 Ve igham man katindi tiroov tinim, ve titaptap tizi ndug to tinepneep pani.
28 Maaron igham di titaptap tizi ndug to tamtoghon toni tinepneep pani, le tiluvut mbeez todi.
29 Tovenen yes Israela tighan le isooŋ di.
32 Yes Israela tighita mbeb tisob tonowen. Eemoghon tinoknok ghamuuŋ sosor sone.
33 Tauto ye iŋgor sawa todi inim tuku.
34 Onoon, sawa to Maaron irab tamtoghon todi pida, rikia moghon ve ival tiina tighilaal, ve titoor ŋgar todi imuul ila pani,
35 Ve matadi iŋgal muul tighaze: Maaron, ye iponpoon di inimale raŋ to izala kat.
36 Eemoghon tipaiti pa avodi uli moghon.
37 Lolodi ineep tuŋia ila to Maaron maau.
38 Eemoghon Maaron lolo isasamin di, ve ireureu sosor todi. Tauto iwaghamun di kat maau.
39 Pasa, mata iŋgal ighaze: Yes to taan moghon. Tapiridi tintina maau.
40 Sawa to tineep izi ndug balim, tizoor Maaron aliŋa pae katindi.
41 Maaron Patabuaŋ to yes Israela, yes tinoknok tovaaŋi.
42 Yes lolodi imaghmaagh pa Maaron tapiri.
43 Muuŋ, ye igham mbeb gharatooŋadi katindi tivotvot izi Isip pa ipatooŋ tapiri padi.
44 Ye itoor ya tintina to yes Isipa tinim siŋ.
45 Ve igham raaŋ tintina to tiŋutŋut tamtoghon tivot izi ndug todi, ve tiŋut di le tisami kat.
46 Ve igham isis tivot le titatab ndug todi, ve tighan aniiŋ todi.
47 Ve ye igham ais patu patu titaptap tizi, le tiwaghamun ai vaen todi.
48 Ye igham ais patu patu titaptap tizi, ve tirabrab makau todi timatmaat.
51 Ye irab yes Isipa ndinatudi aidaba, le tisob timatmaat.
52 Ghoro igham tamtoghon toni tipul Isip.
53 Ye imuŋmuuŋ padi ve iŋginŋgin di. Tovenen timatughez pa mbeb eta maau, ve tineep poia moghon.
54 Ye igham di tila tigharau taan toni patabuaŋ dige, ve lolooz to ye iparab pani ve ighami inim le. Igham 15:13,17
55 Ve indiir ndug ndug to tineep izi taan tonowen tighau tila,
58 Maaron iriu di pasa, tighagharaat maaron kaaromŋa anunudi.
59 Maaron ighita ŋgar todi tonowen, yabyab ve ipul muri padi kat.
60 Sawa tonenen, ye ipul mbeez toni patabuaŋ to ineep izi ndug Silo, izi ineeple.
61 Ve Bokis to Saveeŋ Mbuaaŋ to inim ghilalooŋ pa tapiri ve ŋguruba, ye ipuli ila yes Israela koiadi nimadi. 1Sam 4:4+
64 Ndiran to watooŋrau paam, buza ighan di timatmaat.
65 Ghoro Maaron igham ŋgar inimale tamtoghon to igheen ve imundig.
66 Ye itatan koia, ve mayadi ve tighau tila.
67 Maaron ipul muri pa Yosep papaghu toni. Ve ina to nepooŋ paam, ineep toman di muul maau.
68 Ve isia rumai to Yuda, leso tigham pooz pa tamtoghon toni.
69 Ye irei rumai toni patabuaŋ izala, leso inim ina to nepooŋ.
70 Ve isia mbesooŋa toni David inim kinik.
71 Ye mata pa sipsip nditinandi toman ndinatudi to tighunghun tuz, ve Maaron ighami inim ŋginiiŋ pa yes Israela to Yakop papaghu toni.
72 Tovenen David iŋgin di itaghon ŋgar deŋia, ve igham pooz padi pooi. Mt 2:6; Yo 10:11