1 You nataŋ roran Maaron.
2 Sawa to naneep ila pataŋani tiina lolo, you nazuaria ghou naghaze le nagham ulaaŋ ila to Maaron.
3 You matag iŋgalŋgal Maaron, ve lolog isami ve nataŋ.
4 Mboŋ to naol ne, Maaron ipul ghou nagheen pooi maau.
5 Pasa, matag iŋgal imuul ila pa ndaman katindi to ila wa.
6 Tovenen mboŋ to naol ne, nagham ŋgar tiina ila lolog,
7 “Vena, pale Maaron ipul muri payei, ve ipul ghei nineep sami itaghoni taghoni gha ila?
8 Ŋgar to lolo ineep tuŋia ila to tamtoghon toni ve iuluul di, nene isob wa?
9 Ma Maaron ate yabyab kat, le ighami lolo imaagh pa poia toni? Tauto lolo isamin ghei muul maau ne?”
10 Nagham ŋgar tovene, tauto nasaav pa taug naghaze: “Lolog ipataŋan kat pasa, Maaron to ineep sala le sala kat ne, itoor ŋgar toni wa.
11 Yoova, you pale matag iŋgal imuul ila pa uraat tiom tintina, ve mbeb gharatooŋadi to muuŋ ughamgham di.
12 Pale matag iŋgal uraat tiom ariaŋadi to naol ne, ve nagham ŋgar padi pooi.
13 O Maaron, yom ughamgham ŋgar patabuaŋ moghon. Ŋgar tiom ve gabuam, nene ite kat.
14 Yom Maaron to ughamgham mbeb gharatooŋadi tintina.
15 Yakop ve Yosep papaghu todi, yes tamtoghon tiom.
16 O Maaron, sawa to ya tintina tighita ghom, matughezaaŋ tiina igham di.
17 Sawa tonenen, yaghur tae iyasosooŋ, ve uman tiina izi.
18 Yom ugham yaghur uti ililiit, ve lalaav kiliŋkiliŋia.
19 Ataam tiom imbut te ivool ila pa dige ite.
20 Yom umuuŋ pa tamtoghon tiom unumale ŋginiiŋ to sipsip.