1 O Maaron, uul ghou lak!
2 Aazne, agheg putukia ila tiiŋ tiina.
3 Maaron, you nasami wa.
4 Tamtoghon to tighur koi payou ne, yes ival le ival kat. Irau nanin di maau. Tilib pa dabag raua.
5 Maaron, yom uwatag: You nagham ŋgar samsamia to borouŋa.
6 Yoova, yom Maaron ariaŋam kat ve uŋgin mbeb tisob. Uul ghou lak!
7 You nambesmbees payom, tauto tamtoghon tipiyaav saveeŋ velegiiŋ naol payou.
8 Taug siŋ tiou tighita ghou nanimale you ŋgeu sumbu.
9 Ŋgar tiou iyaryaaŋ naghaze le nagharaat rumai tiom. Eemoghon ŋgar tonene, to aazne inim pughu pa nambaad pataŋani tiina inimale yab ighan ghou.
10 Sawa to natatan taug, ve naŋgun taug pa ghaniiŋ aniiŋ,
11 Ve sawa to lolog ipataŋan, ve nagharaat taug maau, ve nandud uli to moŋiiŋ, yes tiŋiŋ payou.
12 Yes to tiluplup di izi maran ate, tininin avodi payou.
13 Eemoghon suŋuuŋ tiou iŋaŋarua ghom moghon.
14 Upas ghou navot pa pataŋani tiina tonene.
15 Uul ghou. Pa vene, yawaaŋa izugua ghou, ve iweu ghou nalaleg.
16 Yoova, yom poiam. Lolom ineep tuŋia ila to tamtoghon tiom ve uluul di irau sawa isob. Tovenen ulooŋ suŋuuŋ tiou tonene, ve uul ghou.
17 You mbesooŋa tiom. Uŋgooz matam payou malep.
18 Unum uyoon ila digeg, ve uul ghou.
19 Ŋgar to koiagŋa tigham payou ne, yom uwatagi wa.
20 Saveeŋ velegiiŋ to tipiyaava payou, nene igham lolog ipataŋan kat. Naghita naghaze irau poiag muul maau.
21 Sawa to pitool ghou, koiagŋa tighur mbeb lili ila aniiŋ tiou.
22 Tovenen suŋuuŋ tiou iŋarua ghom naghaze: Sawa to koiagŋa yesŋa nditadi tilup di ve tighanghan, ugham toŋ to aniiŋ todi ineep izala, inim liis padi, ve iwaghamun di. Ro 11:9+
23 Ugham matadi ipis, leso tighita ndug muul sob.
24 Naghaze uŋgal matadi, ve tiyamaan katin mbalmbali tiom.
25 Inadi to nepooŋ pale balim.
26 Pasa, tamtoghon to yom ulosi ve ughur pataŋani pani,
27 Sosor to ndiran tonowen, lolom imaagh pani malep.
28 Umus izadi pa rau to nepooŋ mataad yaryaara.
29 O Maaron, aazne nambaad pataŋani ve nayamaan yabyabuuŋ tiina.
30 You pale nambou ve napait Maaron iza. Pasa, ye igham lolog poia kat.
31 Ŋgar tovene, nene igham Yoova lolo poia kat le ilib pa makau katindi to tighamgham di pa watooŋrau. Mbo 50:9+; 51:16+
32 Yes to tinumeer Maaron ve timbadbaad pataŋani, ighaze tighita Maaron iuul ghou, nene pale tinidi iza.
33 Pasa, yes to timbadbaad pataŋani ve tinumeer Yoova, ye iloŋlooŋ suŋuuŋ todi.
34 Sambam paroŋania, taan, ve te, toman mbeb tisob to tineep ila, yam asob apait Maaron.
35 Pasa, ye pale igham mulin ndug Zion, ve ipamundigin ndug tisob to Yudea muul.
36 Ve muri, taan todi pale izi pa papaghu todi, ve tighami inim ledi, ve tineep ila.