1 Maaron pale imundig ve ireu mbirisan koia.
2 Ye pale ipasob di le tisob kat, tinimale yab mbuasa to iza, ve yaghur iviviira ilale.
3 Eemoghon ndiran deŋiadi, yes pale lolodi poia kat.
4 Ambou pa Maaron.
5 Maaron ineep ila ina patabuaŋ, ve iŋgin yes parooŋa inimale tamandi.
6 Yes to eŋgendi tineep, Maaron pale igham tamtoghon pida tinim nditadi, leso yesŋa tilup di ve tineep.
9 Maaron, taan to ugham pa tamtoghon tiom, ighaze ndag tiina ve imamaas,
10 Tamtoghon tiom tigham taan tonene inim ledi ndug to nepooŋ.
11 Ŋgeu Tiina ivotia malmal varu ighaze ye ilib pa koia wa.
12 “Ou alooŋ! Yes kinik toman ndaaba todi tila wa! Tisob tighau tila wa!
13 Ndiliva tiei tipambood di pa silva ve gol, le paghunadi kat, tinimale man mbaluuz to tigharaata pa silva, ve tipaak gol milmilia ila bage.
14 Sawa to Maaron ariaŋa ireu mbirisan yes kinik,
15 Lolooz to ndug Basan, nene tiina ve daba izala kat, ve le mbuŋa mbuŋa ve kazimuŋa katindi.
16 Lolooz to ndug Basan, yom lem mbuŋa mbuŋa naol. Pughu vena to ughita Maaron igham lolooz Zion inim ina to nepooŋ, ve ireu lolom? Tauto lolom isami pani ne?
17 Ŋgeu Tiina ipul lolooz Sinai, ve ilaagh toman karis toni ndiŋndiŋ ndiŋndiŋ to malmal,
18 Maaron, yom ughereb koiamŋa katindi to ulib padi ne,
19 Tapait Ŋgeu Tiina pa poia toni!
20 Maaron toit, ye Maaron to ulaaŋ. Onoon kat, Maaron toit Yoova, ye ighamgham mulin ghiit. Tauto tamaat maau, ve taneep pooi. Mbo 56:13; 1Kor 15:51+; 1Tes 4:13+; Syg 1:18
21 Maaron pale irab balagin koia dabadi.
22 Ŋgeu Tiina isaav ighaze: “Koiagŋa irau tighau maau.
23 Siŋidi pale ireer izi, le ipot inimale karoos ila taan pogho, leso awai ila.
24 Maaron, yom kinik tiou.
25 Yes to mbouŋ timuuŋ,
26 Yam Israela to avot ila to Yakop, alup gham ila Maaron nagho ve apaiti pa poia toni.
27 Aghita. Rumai to Benyamin to ival maau ne, timuuŋ.
28 Maaron, yom usaav ariaŋa pataghaaŋ ughaze yei Israela pale lemai tapirimai tiina, ve niyoon ariaŋa.
29 Yes kinik to taan pale tinim tivot Yerusalem, ve tigham lem mbeb popoia ilooŋ ila rumai tiom patabuaŋ.
30 Yes Isipa tinepneep ila vivib lolo to ya Nil dige we tinimale poghai.
31 Kinik to yes Isipa pale imbaaŋ uraata toni tinim Yerusalem, leso yeiŋa nisavsaav pa lupuuŋ tiei.
32 Yam kinik to taan toman tamtoghon tiam, ambou pa Maaron.
33 Ye Ŋgeu to ineep izala yaghur tae pogho, ve indaloova ila tata to ineep muuŋ kat ve inim.
34 Tovenen yam avotia Maaron tapiri.
35 Maaron to iit Israela, ye inepneep ila rumai toni patabuaŋ lolo, ve ipatooŋ tapiri.