1 O Yoova, ulooŋ taŋiiz tiou tonene, ve uul ghou.
2 Yom ughita mbeb tisob, ve uwatag ughaze you nataghon ŋgar deŋia ila matam.
3 Yom uŋgabiiz poian ghou, ve utoov ghou. Ve unum utiir ghou pa mboŋ paam. Tauto uwatag katin lolog.
4 You nataghon ŋgar to ndiran pida tighamghami ne maau. Pasa, matag kisin saveeŋ tiom.
5 Sawa isob, nataghon ataam tiom moghon.
6 O Maaron, you nawatag: Moghon moghon, yom uloŋlooŋ suŋuuŋ tiou. Tovenen nataŋ roran ghom naghaze uul ghou.
7 Yom lolom ineep tuŋia ila to tamtoghon tiom ve uluul di.
8 Uŋgin poian ghou inimale uŋgin taum matam.
9 Pasa, ndiran samsamia tizuaria di tighaze le tiwaghamun ghou.
10 Lolodi isamin tamtoghon maau.
11 Yes titaghon ghou tinim tiluvut ghou wa.
12 Yes tinimale laion to pitoola, ve ighaze isaas motin mbeb, leso ighani.
13 Yoova, umundig urab koiagŋa lak! Uyoon unum sigeu payou, upoon di, ve utatan tapiridi.
14 Ndiran tonene tigham ŋgar tighaze mbeb to taan, nene mbeb tau.
15 Eemoghon you ŋgeu deŋiag. Tovenen you pale naghita naghom.