1 O Maaron, yom kinik tiou. You pale napakur ghom, ve napait izam pa poia tiom. To aazne, ve itaghoni taghoni gha ila.
2 Onoon kat, moghon moghon, you pale napait ghom pa poia tiom.
3 Yoova iza tiina kat. Ighaze tapaiti, nene deŋia.
4 Uraat ariaŋadi ve ŋgar popoia to ughamgham di, tamtoghon pale tisavia varu pa ndinatudi, ve ndinatudi pale anadi tisavia pa papaghu todi, ve iseeŋga tovene gha ila.
5 Pale tipait izam, ve tisavia ŋgurubam tiina to ipambood ghom.
6 Yom upatooŋ tapirim ila uraat tiom ariaŋadi to tigham tamtoghon timatughez. Tauto pale tisavia varu.
7 Poia tiom, nene tiina kat.
8 Yoova ighamgham poian ghiit, ve lolo isasamin ghiit.
9 Yoova ighamgham ŋgar poia pa tamtoghon tisob.
10 O Yoova, mbeb to yom ughur di, pale tisob lolodi poia payom ve tipait ghom.
11 Pale tisavia pooz tiom tighaze nene mbeb tiina ve poia.
12 Leso tamtoghon tisob tiwatag uraat tiom tintina to tipatooŋ tapirim.
13 Pooz tiom inepneep tovene irau sawa isob.
14 Yes to aghedi kirikia ve tighaze titap, ye ipalot di tuŋia.
17 Ŋgar tisob to Yoova ighamgham di, nene deŋiadi moghon,
18 Tamtoghon tisob to titaŋ rorani pa ulaaŋ toman lolodi, ye ineep igharau di ve iuluul di.
19 Yes to timatughez pani ve titaghon ŋgar toni, ighaze lolodi pa mbeb eta ve tighasoni pani, nene pale ilooŋ di, ve igham mbeb tonenen padi.
20 Tovenen yes to lolodi pani, ye mata padi ve inim sigeu padi.
21 Avog pale ipait Yoova.