1 You napait Yoova pa poia toni. Ye Volaaŋa tiou ariaŋa to iponpoon ghou inimale yaam tiina.
2 Ye lolo ineep tuŋia inim tiou ve iuluul ghou.
3 Yei tamtoghon to taan, ninim sa mbeb poia, to matam iŋgalŋgal ghei?
4 Yei tamtoghon nineep ris ve nisob, ninimale yaghuramai to ivotvot ila avomai.
5 O Yoova, ukaak sambam paroŋania ve uzi unum.
6 Ugham lalaav iŋgal koiagŋa, ve ireu di.
7 Pataŋani to aazne igham ghou, nene inimale yawaaŋa ivot toman tapiri ve ighaze izugua ghou nalaleg.
8 Ndiran tonowen, avodi kaarom.
9 O Maaron, you pale nambou mbouŋ paghu payom.
10 Pasa, yom uluul yes kinik to yei Israela. Tauto tilib pa malmal.
11 Upaghau buza mata payou, ve ugham mulin ghou ila yes ndug ndug to tighur koi payou ne nimadi.
12 Maaron, ughur poia tiom iza tiei. Leso ndinatumai papaghu titub pooi tinimale ai to itub pooi iza iza le inim tiina kat.
13 Ugham aniiŋ katindi tivot ila uum tiei, leso ruum tiei to ghuruuŋ aniiŋ tivon pa aniiŋ naol naol.
14 Ve makau tiei paam. Moroghooŋ eta igham di malep.
15 Tamtoghon to ighaze ŋgar tovene ivot padi, nene pale lolodi poia kat.