1 Yes to tighamgham sosor maau, ve laghooŋ todi deŋia moghon itaghon saveeŋ to Yoova, nene pale poia toni izaza todi ve tinidi iza.
4 Yoova, yom ughaze nitaghon tutuuŋ tiom eŋaeŋa ŋgara le nitaghoni kat.
5 Tutuuŋ tiom to tineep pataghaaŋ, ŋgar tiou iyaryaaŋ naghaze le nataghon katin di.
6 Pasa, ighaze matag iŋgal tutuuŋ tiom tisob,
7 Ataam tiom to gabizooŋ mbeb, nene deŋia moghon. Ighaze upatooŋ ghou pani,
8 Tutuuŋ tiom naol to tineep pataghaaŋ, you pale matag kisin di, ve nataghon di irau sawa isob. Tovenen upul murim payou malep.
9 Ighaze pain paghu eta lolo pa laghooŋ toni iŋgalaaŋ ila matam, pale igham sa?
10 You naghur lolog payom kat, ve nazuaria ghou naghaze le nawatag katin ghom.
11 You naghita aliŋam naghaze nene mbeb tau. Tovenen naghur poiani ineep ila lolog.
12 O Yoova, you napait ghom pa poia tiom.
13 Tutuuŋ tiom naol to yom uvotia di, you pale nasavia di le tisob.
14 Ataam to yom ughuri payei, sawa to nataghoni, nene igham lolog poia kat, nanimale yes to tipakur di pa mbaliiŋ to taan.
15 Matag itaghon tutuuŋ tiom eŋaeŋa ŋgara naghaze le naghazooŋ padi.
16 Tutuuŋ tiom naol to tineep pataghaaŋ, tigham lolog poia le poia kat.
17 O Yoova, you mbesooŋa tiom. Upatooŋ poia tiom payou.
18 Upaghazoŋan ŋgar tiou, leso naghilaal ŋgar popoia naol to tineep ila saveeŋ tiom lolo.
19 Taan tonene, nene ndug tiou kat maau. You naneep nanim loom pani moghon.
20 Moghon moghon, you lolog naghaze le upatooŋ ghou pa ataam tiom to gabizooŋ mbeb, ghoro poia!
21 Yes to tipapait taudi ve tiveleg ghom, yom uyaan di, ve mbalmbali tiom izaza todi.
22 Ve you, ghoro matag kisin ataam to yom ughuri payei, ve nataghoni irau sawa isob.
23 Yes daba to tighamgham pooz ne paam, tilup di, ve tikalkaal ataam tighaze tiwaghamun ghou.
24 Ataam to yom ughuri payei, nene igham lolog poia le poia kat.
25 You tapirig isob, ve rismoghon tone namaat ve nagheen ila ghavuur.
26 Ŋgar naol to naghamgham di ne, you navotia di payom. Tauto ulooŋ suŋuuŋ tiou, ve uul ghou.
27 Tutuuŋ naol to yom ughur di, upatooŋ ghou pa ataam to nataghon di.
28 You lolog ipataŋan le tapirig isob.
29 Uul ghou pa naneep saguan pa ŋgar kaarom.
30 You lolog ighur naghaze you pale nataghon ataam to saveeŋ onoon.
31 O Yoova, ataam to yom ughuri payei, you nakisi ineep tuŋia ila lolog.
32 Yom upatooŋ ghou pa mbeb katindi.
33 O Yoova, tutuuŋ tiom naol to tineep pataghaaŋ, upatooŋ ghou pa ataam to nataghon di.
34 Upaghazoŋan ghou pa saveeŋ tiom ŋgara.
35 Umuuŋ ve upatooŋ ataam payou, leso nataghon tutuuŋ tiom.
36 Upamundigin lolog, leso nataghon ataam to yom ughuri payei, ve nagham ŋgar pa ndouŋ leg mbaliiŋ to taan sob. Lu 12:13+; 1Tim 6:9+
37 Upaghau matag pa mbeb soroksorok to taan to anoŋadi maau ne,
38 You mbesooŋa tiom. Tovenen matam iŋgal saveeŋ mbuaaŋ tiom, ve ugham anoŋa ivot payou.
39 Saveeŋ samia to koiagŋa tipiyaava payou, nene igham ghou namatughez. Pasa, ighaze tamtoghon tighur ila saveeŋ todi tonowen, nene pale mayag.
40 O Yoova, you naghaze nataghon tutuuŋ tisob to yom ughur di.
41 O Yoova, you nawatag: Yom lolom ineep tuŋia ila to tamtoghon tiom ve uluul di. Upatooŋ ŋgar tonanan payou paam, ghoro poia.
42 Leso you irau napamuul saveeŋ velegiiŋ to tipiyaava payou.
43 You naghur matag pa gabizooŋ tiom.
44 You pale nataghon saveeŋ tiom irau sawa isob.
45 Tutuuŋ to yom ughur di, you nazuaria ghou pa nataghon di.
46 Ataam to yom ughuri payei, you pale navotia ila yes kinik matadi paam.
47 Tutuuŋ tiom to naol ne, tigham lolog poia le poia kat.
48 You lolog pa tutuuŋ tiom to naol ne ve napatab padi. Tovenen nakaak nimag, ve napait ghom pa tutuuŋ tiom.
49 You mbesooŋa tiom. Matam iŋgal saveeŋ to umbua toman ghou.
50 Ighaze pataŋani igham ghou, nene pale saveeŋ tiom iuul ghou ve naneep pooi.
51 Yes to tipapait taudi ve tiveleg ghom, moghon moghon tiveveleg ghou paam.
52 O Yoova, matag iŋgalŋgal sawa naol to muuŋ uŋgabiiz tamtoghon ve ughur atia padi.
53 Ighaze naghita ndiran samsamiadi tipul muridi pa saveeŋ tiom, nene igham ghou ateg yabyab kat.
54 Taan tonene, you naneep pani nanim loom moghon,
55 Yoova, matag iŋgalŋgal ghom pa mboŋ paam, ve nataghon saveeŋ tiom.
56 You gabuag tovene: Tutuuŋ to yom ughur di, matag kisin di ve nataghon di irau sawa isob.
57 Yoova, you naghita ghom unumale mbeb tau. You naneep ilat tiom. Unumale taan poia eez to tipuli payou pa naneep pani.
58 Taŋiiz tiou iŋarua ghom toman lolog: Lolom isamin ghou, ve ughur poia tiom iza tiou itaghon saveeŋ mbuaaŋ tiom.
59 You naŋgabiiz laghooŋ tiou naghaze nene deŋia maau.
60 Ve irau nasaŋan maau.
61 Ndiran samsamia tighur liis naol pa tighaze tiliis ghou.
62 You namundig pa mboŋ anoŋa,
63 Yes to timatughez payom ve titaghon ŋgar tiom,
64 O Yoova, yom lolom ineep tuŋia ila to tamtoghon tiom ve uluul di. Ŋgar tiom tonanan, yom upatooŋa irau taan isob.
65 O Yoova, you mbesooŋa tiom. Yom ughamgham poian ghou kat itaghon saveeŋ mbuaaŋ tiom.
66 You naghur ila naghaze tutuuŋ tiom to naol ne, nene popoiadi moghon.
67 Muuŋ, you nayel pa ataam tiom.
68 Yom poiam kat. Ve ŋgar to ughamgham di ne paam, popoiadi moghon.
69 Yes to tipapait taudi ve tiveleg ghom, tiŋgal saveeŋ kaarom payou, ve tiwaghamun izag.
70 Ndiran tonowen ledi ghilalooŋ rita maau.
71 Pataŋani to muuŋ igham ghou, nene poia.
72 Saveeŋ to ivot ila avom, you naghita inimale mbeb tau.
73 Taum nimam igharaat ghou, to navot.
74 Yes to timatughez payom ve titaghon ŋgar tiom, ighaze tighita ghou, nene pale lolodi poia.
75 O Yoova, you nawatag: Ataam tiom to gabizooŋ tamtoghon, nene deŋia moghon.
76 Yom lolom ineep tuŋia ila to tamtoghon tiom ve uluul di.
77 Lolom isamin ghou, ve uul ghou naneep pooi.
78 Yes to tipait taudi ve tiveleg ghom, tinoknok ŋgaliiŋ saveeŋ kaarom payou. Utatan di, ve ugham di mayadi.
79 Yes to timatughez payom ve titaghon ŋgar tiom, ghoro tinim tiou ve yeiŋa nilup ghei.
80 You naghaze ŋgar to ineep ila lolog ne, eta isosor malep, ve nataghon katin tutuuŋ tiom naol to tineep pataghaaŋ. Leso mayag sob.
81 O Yoova, you nakaria saŋaniiŋ pa ulaaŋ tiom, le tapirig isob kat.
82 You naghur matag naghaze naghita saveeŋ mbuaaŋ tiom anoŋa ivot. Eemoghon nasaŋan le maau.
83 You nasami, ve tamtoghon lolodi imaagh payou wa. Tighita ghou nanimale buzbuz.
84 You mbesooŋa tiom. Pughu vena to yom umbabatut koiagŋa, ve tighamgham pataŋani payou?
85 Ughita. Yes to tipapait taudi ve tiveleg ghom, titai saambu payou tighaze natap nazila.
86 Tutuuŋ tiom tisob, popoiadi moghon. Tovenen yei irau ninumeer di pa tipasaluŋgan ghei.
87 Pasa, mala maau pale tipasob nepooŋ tiou to taan.
88 Yom lolom ineep tuŋia ila to tamtoghon tiom ve uluul di. Tovenen uŋgin ghou naneep pooi.
89 O Yoova, saveeŋ tiom pale iyaryaaŋ izi sambam, ve inepneep tovene itaghoni taghoni gha ila. Mt 5:18; Lu 16:17, 21:33; 1Pe 1:25
90 Tamtoghon tipopoop, ve papaghu todi tivotvot itaghoni taghoni gha ila.
91 Muuŋ ve inim aazne, mbeb tisob tineep tuŋia ila inadi inadi itaghon saveeŋ to yom usavia.
92 Saveeŋ tiom igham lolog poia le poia kat.
93 Tutuuŋ to yom ughur di, you irau lolog imaagh pa eta maau. Maau le maau kat.
94 You nanim lem wa. Tovenen ugham mulin ghou lak!
95 Aazne, ndiran samsamiadi tighamgham lilin ghou tighaze tirab ghou namaat.
96 You naghita mbeb eta to ivot kat ne maau. Mbeb to naol ne, tisob timuul moghon.
97 You lolog pa saveeŋ tiom kat!
98 Tutuuŋ tiom ineep ila ŋgar tiou irau sawa isob.
99 Ŋgar tiou ilib pa yes ŋgara to tipatoot ghou ne paam.
100 Ve ŋgar tiou ilib pa ndolmana ŋgar todi paam.
101 You napaghau taug pa ataam samsamia to naol ne, leso nataghon aliŋam.
102 You napul murig pa tutuuŋ tiom deŋiadi maau.
103 Bagil suru, nene poia pa taghuni. Eemoghon saveeŋ tiom, nene poia le poia kat. Ilib pa bagil suru.
104 Tutuuŋ to yom ughur di, nene tiuul ghou pa naghilaal ŋgar poia.
105 Saveeŋ tiom, nene inimale lam to isul ataam ve nalaagh.
106 Gabizooŋ tiom, nene deŋia moghon. Tauto nambua saveeŋ toman ghom, ve napariaaŋa le iyaryaaŋ kat naghaze you pale nataghon ataam tiom to gabizooŋ mbeb.
107 O Yoova, pataŋani tiina kat igham ghou le naneep sami.
108 You lolog poia payom, ve napait ghom pa poia tiom.
109 Moghon moghon you nanepneep ila naal avo.
110 Onoon, ndiran samsamia tighur liis payou.
111 Ataam to yom ughuri payei, nene mbeb poia to yom ugham payou. You pale nakiskisi tovene itaghoni taghoni gha ila. Pasa, igham ghou lolog poia le poia kat.
112 Tutuuŋ tiom to tineep pataghaaŋ, ŋgar tiou iyaryaaŋ naghaze you pale nataghon di le irau sawa tiou isob.
113 Yes to timbees payom toman lolodi ee moghon maau, ve ŋgar todi ru, you lolog padi maau.
114 Yom unum inag to yoŋgaaŋ, ve unum sigeu payou.
115 Yam ndiran to ghamuuŋ ŋgar samia, aghau payou!
116 O Yoova, upalot ghou itaghon saveeŋ mbuaaŋ tiom. Leso nayoon ariaŋa ve naneep pooi.
117 Ukis ghou tuŋia.
118 Tamtoghon tisob to tiyel pa tutuuŋ tiom, yom upul murim padi.
119 Ndiran samsamia to tineep izi taan, yom ughita di tinimale buzbuz, ve upiyaav di tilaledi.
120 You nagham ŋgar payom, le matughezaaŋ tiina igham ghou ve tinig irur.
121 You nagham ŋgar popoia ve ŋgar deŋia moghon.
122 You mbesooŋa tiom. Tovenen uyoon payou ve uul ghou. Leso naneep pooi.
123 You naghur matag pa ulaaŋ tiom, ve nakaria saŋaniiŋ wa.
124 Yom lolom ineep tuŋia ila to tamtoghon tiom ve uluul di. Upatooŋ ŋgar tovene payou paam. Pasa, you mbesooŋa tiom.
125 You mbesooŋa tiom. Tovenen upaghazoŋan ghou, leso naghilaal ŋgar poia, ve nawatag katin ataam to yom ughuri payei.
126 O Yoova, aazne tamtoghon tizorzoor saveeŋ tiom.
127 Onoon kat, you lolog pa tutuuŋ tiom to naol ne ilib pa gol.
128 Tovenen tutuuŋ to yom ughur di, tauto tipasaluŋgan ghou pa laghooŋ tiou.
129 Ataam to yom ughuri payei, nene poia le poia kat.
130 Ighaze tipaghazoŋan saveeŋ tiom pughu pa tamtoghon, nene inim ghazooŋa padi.
131 You lolog pa tutuuŋ tiom kat,
132 Matam inim payou, ve ugham poian ghou.
133 Upasaluŋgan ghou, leso laghooŋ tiou deŋia itaghon saveeŋ tiom.
134 Yes to tighamgham pataŋani payou pa titatan ghou, ugham mulin ghou ila nimadi.
135 O Yoova, you mbesooŋa tiom. Naghaze lolom poia payou, ve ugham poian ghou.
136 You nataŋ, ve matag suru irereer izi inimale ya.
137 Yoova, yom deŋiam kat.
138 Ataam to yom ughuri payei, nene deŋia moghon.
139 Ŋgar tiou iyaryaaŋ kat naghaze tamtoghon tisob titaghon aliŋam.
140 You mbesooŋa tiom. Lolog pa saveeŋ tiom, ve nanumeera kat. Pasa, natoova le naghita naghaze nene onoon.
141 Onoon, you ŋgeu sorok, ve tamtoghon matadi izi payou.
142 Ŋgar tiom deŋia pale inepneep tovene itaghoni taghoni gha ila.
143 Onoon, pataŋani naol titatan ghou, ve tigham ghou lolog ipataŋan kat.
144 Ataam to yom ughuri payei, nene deŋia moghon, ve inepneep tovene irau sawa isob.
145 O Yoova, you nataŋ roran ghom toman lolog. Ulooŋ suŋuuŋ tiou, ve uul ghou.
146 Taŋiiz tiou iŋarua ghom. Upas ghou navot pa pataŋani tiou tonene.
147 You naghur ila saveeŋ mbuaaŋ tiom, ve naghur matag naghaze naghita anoŋa ivot. Tovenen ndag iza sone, ve you namundig nataŋ roran ghom pa ulaaŋ.
148 Ve mboŋ to naol ne paam, you napamaat.
149 O Yoova, lolom ineep tuŋia ila to tamtoghon tiom ve uluul di. Ve gabizooŋ tiom, nene deŋia moghon. Tovenen ulooŋ suŋuuŋ tiou tonene, ve uul ghou naneep pooi.
150 Aazne, ndiran samsamia tinim tigharau ghou tighaze tiwaghamun ghou.
151 Eemoghon Yoova, yom uneep digeg.
152 To muuŋ ve inim, you naghilaal naghaze ataam to yom ughuri pa tamtoghon tiom, yom ughaze ineep tovene itaghoni taghoni gha ila.
153 Yoova, lolog imaagh pa saveeŋ tiom maau.
154 Aazne, tamtoghon tipayoon ghou sorok pa savsaveeŋ. Tovenen uyoon payou, ve uul ghou naneep pooi itaghon saveeŋ mbuaaŋ tiom.
155 Ndiran samsamia, yom uluul di maau.
156 O Yoova, yes to tinepneep ila pataŋani lolo, yom lolom isamin di kat.
157 Pasa, koiagŋa to tigham pataŋani payou ne, yes ival kat.
158 You naghita yes to tipul muridi payom, le irau lolog maau kat.
159 O Yoova, ughita. Tutuuŋ to yom ughur di, you lolog padi kat.
160 Saveeŋ tiom pughu tovene: Yom avom onoon, ve utaghon saveeŋ mbuaaŋ tiom irau sawa isob.
161 Yes daba to taan tighurghur pataŋani payou sorok. Eemoghon you namatughez padi maau.
162 Saveeŋ tiom igham lolog poia kat,
163 Ŋgar kaarom to naol, you lolog padi maau kat, ve naghur koi padi.
164 Ndag to naol ne, napait ghom pa liim ve ru.
165 Yes to lolodi pa saveeŋ tiom kat, nene pale tineep poia kat.
166 O Yoova, you nataghon tutuuŋ tiom to naol ne,
167 ataam to yom ughuri payei, you lolog pani kat.
168 You nataghon ataam tonenen toman tutuuŋ tisob to yom ughur di.
169 O Yoova, ulooŋ taŋiiz tiou tonene.
170 Ughur taliŋam pa suŋuuŋ tiou, ve upas ghou navot pa pataŋani tiou itaghon saveeŋ mbuaaŋ tiom.
171 Yom upatoot ghou pa tutuuŋ tiom to tineep pataghaaŋ.
172 You pale nambou mbouŋ to iŋarua saveeŋ tiom.
173 Nimam isaŋan pa ulaaŋ ghou.
174 O Yoova, you nakausim pa ulaaŋ tiom.
175 Upul ghou naneep matag iyaryaar, leso napait ghom.
176 You mbesooŋa tiom. Eemoghon aazne nayel pa ataam tiom ve nawalaghlaagh nanimale sipsip to ighau ila le ilale.