1 Aleluia! Lolood poia pa Yoova, ve tapaiti pa poia toni. Pasa, ye poia kat.
2 Sei irau isavia uraat tintina to Yoova ighamgham di?
3 Yes to tighagharaat pataŋani to tamtoghon ve titaghon ŋgar deŋia irau sawa isob,
6 Yei nisosor wa. Niyel pa ataam tiom ninimale nditimbumai.
7 Sawa to nditimbumai tineep izi Isip, yom ugham mbeb gharatooŋadi tintina ivotvot.
8 Eemoghon Yoova, ye iza tiina pa tapiri ve poia toni, ve ighaze igham di tighilaal katin tapiri.
9 Sawa tonenen, ye isaav ariaŋa pa Te Kaviaaŋa, le ivalagi inim ru. Pida ila pa ŋas, pida ila pa waan, ve taan mamaasa ivot.
10 Tovenen ye igham mulin di ila koiadi nimadi.
11 Sawa tonenen, te itatab koiadi le tisob timatmaat.
12 Maaron igham tovene, tauto yes Israela tighur ila saveeŋ mbuaaŋ toni, ve timbou ve tipaiti. Igham 15:1+
13 Eemoghon rikia moghon ve lolodi imaagh pa mbeb gharatooŋadi to ye igham di.
14 Sawa to tinepneep izi ndug balim, luadi itaŋ tighaze le tighan aniiŋ popoia inimale muuŋ tighanghani izi Isip.
15 Ve Maaron ilooŋ taŋiiz todi, ve igham adi mbeb to tighasoni pani.
16 Sawa to tinepneep ila inadi to nepooŋ izi ndug balim,
17 Tovenen taan ikaak, ve Datan yesuru Abiram toman siŋ todi tisob titaptap tizila,
18 Ghoro yab ivot, ve ighan tamtoghon pida to titaghon di pa ŋgar todi tonowen.
19 Sawa to yes Israela tinepneep izi lolooz Sinai pughu, tigham gol ve tigharaat makau natu tamoot anunu, ve tiput aghedi pani ve tipaiti. Igham 32:4
20 Tovenen Maaron todi to iza tiina pa tapiri ve poia toni, yes tipul muridi pani.
21 Onoon kat, Maaron todi to igham uraat tintina tivot izi Isip, ve igham mulin di, lolodi imaagh pani kat.
22 Ye igham mbeb gharatooŋadi tintina izi taan to yes Isipa,
23 Tovenen Maaron ighaze iwaghamun di le tisob.
24 Sawa to yes Israela tigharau taan Kanaan, yes tirere pa taan poia to Yoova ighaze igham padi.
25 Yes lolodi pa tilooŋ Yoova aliŋa maau.
28 Muri ghoro, yes Israela tila tivot lolooz Peor. Sawa tonenen, tila toman yes to timbesmbees pa maaron kaarom Baal.
29 Ŋgar to tighami, nene ipas Yoova ate, le ate yabyab kat.
30 Tovenen Pineas imundig ve irab tamtoghon ru to tizoor Maaron aliŋa ne timaat.
31 Ŋgar toni tonowen, tauto Maaron ighita ighaze ye ŋgeu deŋia.
32 Yes Israela tila tivot izi ya Meriba, ve tigham Yoova ate yabyab muul.
33 Pasa, yes tizoor katini le tipas ate.
34 Sawa to tilooŋ tila taan Kanaan, Yoova isaav ariaŋa padi ighaze tirab yes to tineep tonowe tisob timatmaat.
35 Yesŋa Kanaana tiluplup di, ve titaghon ŋgar todi.
36 Yes timbesmbees pa maaron kaaromŋa todi,
37 Ve tigham taudi ndinatudi nditamoot ve ndiliva, ve tirab di timaat tinim watooŋrau pa avuvu samsamiadi.
38 Onoon kat, ndinatudi nditamoot ve ndiliva to ledi sosor eta maau, yes tirab di timatmaat tinim watooŋrau pa maaron kaaromŋa to yes Kanaana.
39 Ŋgar to tighami, igham di tisami kat ila Yoova mata.
40 Ŋgar to tamtoghon toni Israela tighami, nene igham Yoova ate yabyab kat,
41 Tauto ipul di tila ndug ndug nimadi.
42 Koiadi tonowen tighur pataŋani naol padi,
43 Sawa naol, Yoova ipas yes Israela tivot pa pataŋani todi.
44 Eemoghon Yoova ighita pataŋani todi, ve ilooŋ taŋiiz todi.
47 O Yoova, Maaron tiei, ugham mulin ghei ila koiamai nimadi!
48 Iit tapait Yoova pa poia toni. Ye Maaron to iit Israela.