1 Ai̱ Luhanga, onjune,
2 Nkwete kudhikila mu bisaabo bitobheeye,
3 Kukubilikila haabwa bu̱kooneli̱ kwandu̱hi̱i̱ye,
4 Abanjoi̱ye batali na nsonga yoona bakaniiye kimui,
5 Ai̱ Luhanga, omani̱ye budhoma bwanje.
6 Ai̱ Mukama Luhanga waamahe,
7 Nku̱gu̱mi̱si̱li̱jagha bantu kuunambula haabwawe
8 Nankabha baana baamaaha bakwefoolagha nga bantu abataamani̱ye,
9 Ku̱hu̱ti̱ya numba yaawe kwonini, kukuleka nku̱we
10 Nkaakulilagha kandi ninaasi̱i̱ba,
11 Nkaaku̱lu̱waalagha bi̱lu̱waalo bya bujune,
12 Bantu bakaakusitamagha haa geeti̱ ya kibugha,
13 Bhaatu si̱ye, Ai̱ Mukama, nuuwe nkusabagha.
14 Onjune kudhikila mu bisaabo.
15 Otaleka maasi ghakusenda ngansaalila haa mutuwe eegu̱u̱li̱,
16 Ai̱ Mukama, onkuukemu mu bulungi bwa kukunda kwawe kwamaani̱.
17 Oteebi̱si̱i̱li̱la mu̱heeleli̱ya waawe.
18 Wiise hambali ndi kandi onjune,
19 Omani̱ye ngoku bantu bakwete kuunambula,
20 Kuunambula kwabo kwammali̱ye maani̱
21 Bakata butuwa mu byokuliya byanje
22 Oleke maghenu̱ ghaabo ghabafookele kyakubakwatilʼo.
23 Oleke maaso ghaabo ghaaghale niikuwo batagubha kubona.
24 Obooleke ngoku obakwatiluuwe ki̱i̱ni̱gha.
25 Oleke maka ghaabo ghafooke bi̱hu̱ma
26 Ebo bakubona-boni̱yagha bantu aba uwe ofubiiye
27 Obongelaghe kifubilo haa kifubilo
28 Oleke mali̱i̱na ghaabo baghalaghali̱ye mu kitabo kya bwomi̱i̱li̱.
29 Bhaatu si̱ye niibuwo bambona-boni̱ya kandi naasaaliluwa.
30 Ndalimbagha ninsinda li̱i̱na lya Luhanga.
31 Eki kikudheedha Mukama kusaali̱ya kumuhongela nte
32 Abakwete kubona-bona bakaakubona eki bakudheedhuwa.
33 Mukama aku̱u̱ghu̱wagha abali na ebi bakwetaaghisibuwa.
34 Oleke eghulu kandi nsi bisinde Mukama,
35 Luhanga akujuna bantu baa Sayu̱u̱ni̱.
36 na baana baabo bakitwale nga bugwetuwa bwabo