1 Uwe mwanya, otegheeleli̱ye na kutui kwawe ebi nku̱bu̱gha,
2 Oleke ebi nkwegheesi̱ya bibe nga mbu̱la ekutoona,
3 Nkulangilila li̱i̱na lya Mukama.
4 Niiye Kikuka kyamaani̱ kandi akukolagha ebi̱hi̱ki̱ye,
5 Bhaatu bantu baa I̱saaleeli̱ bakeebhi̱i̱ya ewaa Mukama
6 Enu̱we bantu badhoma kandi abateetegheleei̱ye,
7 Muusuke ebyabaayʼo hambele
8 Obu wa Eghulu Munu aatambulani̱i̱ye nsi bantu bʼomu mahanga
9 Bhaatu Mukama aakomamu bantu be baa mbaghani̱ja,
10 Aamusanga mu elungu lyomi̱ye
11 Aaba ngoku kibebe kikubungilagha eegu̱u̱li̱ ya kisui kyakiyo,
12 Mukama enkaha niiye akabahikila,
13 Aaleka baatwala bi̱i̱kalo bya haagu̱u̱li̱ ya bwena mu nsi eghi
14 Baanuwa mati̱i̱ti̱ ghaa mbu̱li̱ kandi mata ghaa nte.
15 Bantu baa I̱saaleeli̱ aba baafooka baguudha kandi baaba bajeemi̱.
16 Kulami̱ya baaluhanga banji kwaleka aabaghilila etima
17 Baahongela bi̱li̱mu̱ ebitali baaluhanga,
18 Otaafuwʼo Kikuka oghu akakuhanga.
19 Obu Mukama aaboone eki aababhenga,
20 Aaghila ati, “Tankutodha kukoonela bantu aba,
21 Baaleki̱ye naaba nʼetima nanga ebo kulami̱ya ekitali Luhanga.
22 Kusaaliluwa kwanje kukuba nga mulilo
23 Nkubaleetʼo kabhi kaa bu̱li̱ mulingo
24 Nkuleka njala, mu̱swi̱ja kandi ndwala syamaani̱ sibaate.
25 Balabaatilagha haa bulemo mu nguudhe syʼomu tau̱ni̱
26 Nangubaaye mbu̱ghi̱ye ngoku nku̱hwelekeeleli̱ya bantu aba boona
27 Bhaatu tambali̱ye ngi̱ghu̱ syabo kwempanka,
28 I̱saaleeli̱ ni ehanga elitali na kwetegheeleli̱ya
29 Nguli baabaagha bagheji, eki bangu̱ki̱kengi̱ye
30 Muusilikale omui wa ngi̱ghu̱ sya I̱saaleeli̱,
31 Nanga kikuka kya ngi̱ghu̱ syatu takili nga Kikuka kyatu,
32 Ngi̱ghu̱ sya I̱saaleeli̱ si̱bhi̱i̱hi̱ye nga bantu baa Sodomu na Gomola.
33 Vi̱i̱ni̱ yabo eli nga butuwa,
34 Mukama aaghila ati,
35 Ni̱i̱si̱ye nkuhoolagha ngi̱ghu̱ kandi nsasula,
36 Mukama aku̱twi̱la bantu be musango
37 Niibuwo aku̱bu̱u̱li̱ya ati, “Baaluhanga aba mwesighagha
38 abaaliyagha bisabu bya bihonguwa byanu
39 “Mumanye ngu si̱ye nenkaha ni̱i̱si̱ye Luhanga!
40 Nku̱u̱mu̱ki̱ya mukono ghwanje ningila nti,
41 nkutyali̱ya kihiyo kyanje kyoghiile
42 Bimala byanje bikutukula saghama yabo
43 Enu̱we mahanga ghanji, mudheedhuwe na bantu be,
44 Musa aasa na Yosuwa mutabani̱ wa Nu̱u̱ni̱, eegheesi̱ya bighambo byona ebili mu kilimbo eki, bantu boona banategheleei̱ye.
45 Obu Musa aamali̱ye ku̱bu̱gha bighambo ebi byona na I̱saaleeli̱ yoona,
46 aabaghila ati, “Mukwate haa mutima ghwanu bighambo byona ebi naabaghambiiye obwalo kandi mu̱byegheesi̱ye baana baanu, niikuwo beeghendeseleje kukwata bighambo byona ebili mu bilaghilo bini.
47 Tabili bighambo kwonkaha ewaanu, bhaatu bikubaha bwomi̱i̱li̱ kandi bikuleka muukale bwile bukani̱ye mu nsi eghi mukughenda kubhasuka maasi Yolodaani̱ kutwala.”
48 Kilo eki kyonini, Mukama aaghila Musa ati,
49 “Oghende mu myena ya Abbali̱i̱mu̱, mu ehanga lya Mowaabu, oni̱i̱ne haa mwena Nebbo oghulolaane na Yeli̱ko. Olole nsi ya Kanaani̱, eghi ndimaha bantu baa I̱saaleeli̱ kutwala.
50 Oku̱kwi̱la haa mwena oghu kandi okwame baataata baawe, ngoku mu̱ghenji̱ waawe Alooni̱ aakwi̱li̱i̱ye haa mwena Hooli̱ kandi aakwama baataata be,
51 nanga enu̱we bombi tamwabaaye beesighibuwa ewanje mu maaso ghaa bantu baa I̱saaleeli̱. Obu mwabaagha haa maasi ghaa Meli̱ba mu Kadesi̱ mu elungu lya Ji̱i̱ni̱, mukangaya mu maaso ghaa bantu baa I̱saaleeli̱.
52 Nahabweki okubona nsi eghi nkuha bantu baa I̱saaleeli̱, bhaatu tooku̱ghi̱ki̱dhamu.”