1 Te Kotira veka qihaaqamake vauro.
2 Vivaqaima ti antua timiteharo navutaaka kauquqihairo ti vara qaqini kuvantu timite vaivama vairo.
3 ˻Ti navutaaka,˼ ne tairentae qaqirake kia ti harireka anivarave?
4 Ne te nora autu vataunara vira vatainiqama kareka auti variavo.
5 Te Kotira veka qihaaqamake vauro. Te vira veka vaiha virara noraiqaake iriqi virerave.
6 Vivaqaima ti antua timiteharo navutaaka kauquqihairo ti vara qaqini kuvantu timite vaivama vairo.
7 Kotiva vivaqai ti ruaruama timiteharo, nora autuvata ti timirave.
8 Ti vaiinti nahentivauvo, ne ekaa enta Kotiraqaa muntuvi vaiha virara noraiqaake iriqi vuate.
9 Tenavu vaiinti nahenti vairera, noqihairo aiho uritaraira voqaarama vauro.
10 Vaiinti ruqutiha vira airaira vare varia okarara qora okarave tivakera kia vira autuane. Vo haika varareva ihara kia muara autukera vi haikara varaane.
11 Kotiva kia vohaa tataa maa uvara tiraitiro, viva qaiqaavata mintima tiro: Te kempukavano vauraro
12 ti muntukavano vaiinti nahentiara vaimantama vauro, ti vaira.