1 Bilidada Suuxaka naxa a masen,
2 «I yi wɔyɛnyi mɔɔli falama han tɛmui mundun?
3 Ala nɔma nɔndi mafindide wule ra?
4 Xa i xa die yunubi nan nabaxi a ra,
5 Xa i tan Ala fenma,
6 xa yunubi mu na i ma, xa i tinxin,
7 I harige dɔnxɔɛ fama dangide na singe ra.»
8 «Fahaamui fen won babae ra,
9 Won tan mu buxi duniɲa ma,
10 E mu fahaamui fima xɛ i ma?
11 Wofiri bulama xare ma?
12 Hali a na a bili ma, a mu xabaxi,
13 Na nan fama rabade mixie ra, naxee nɛɛmuma Ala ma.
14 A xaxili tide bara kana, alɔ mixi naxan a kilɔnma sayɛlɛ tɛɛ ra.
15 A na a kilɔn na ra, a kanama nɛ, a kanyi bira.
16 A luma alɔ sansi, ye naxan kui rafexi,
17 a a sankee sɔti gɛmɛ malanxi longori ra.
18 Xa i na sansi tala naa, a lisima nɛ,
19 a mu fanma mɛnni sɔnɔn.
20 Ala mu tinxintɔɛ rawɔlɛma, a mu tinxintare sɛnbɛ soma.
21 A gbe mu luxi a xa i rasɛɛwa,
22 I xɔnmixie fama lude yaagi kui, e xɔnyie fa bira.»