1 Alatala fama nɛ duniɲa kanade,
2 Mixi birin luma tɔɔrɛ nan kui:
3 Duniɲa fama nɛ kanade,
4 Duniɲa tuxunsanma nɛ, a ixarama nɛ,
5 Duniɲa mixie bara duniɲa kɔsɔ,
6 Na nan a ra Alatala duniɲa halakima,
7 Xɛ xaba tɛmui sansie xurunma nɛ,
8 Sanbanyi nun kɔra xui danma nɛ,
9 Mixie mu e sɛɛwama sigi xui ra,
10 Taa kanaxi luma na ki nɛ tun,
11 Sɔnxɔɛ tema nɛ taa kui minse nun donse xa fe ra.
12 Sɔntɔɛ nan tun luma taa kui fa,
13 Na ɲaxankatɛ na ɲɔn duniɲa bɛndɛ fuɲi fari ɲamanɛe tagi,
14 Kɔnɔ naxee na sogegorode biri,
15 Naxee na sogetede biri,
16 Kelife duniɲa tunxun naanie ra,
17 Gbaloe nan wo lima, wo tan duniɲa mixie.
18 Naxan na a gi na gbaloe ya ra, a birama yili nan kui.
19 Duniɲa kanama nɛ, a ibɔɔ, a sɛrɛn.
20 A dagalanma nɛ alɔ siisila,
21 Na lɔxɔɛ Alatala koore daalie nun duniɲa mangɛe ɲaxankatama nɛ e xa walie ma.
22 E fama nɛ malande yire keren alɔ geelimanie naxee na geeli kui.
23 Kike nun soge lɔɛma nɛ,