1 I xa ratu i Daali Marigi ma i xa fonikeya kui,
2 I xa ratu a ma beenun soge xa dimi,
3 Na tɛmui banxi kantɛe sɛrɛnma nɛ,
4 banxi naadɛe balanma nɛ,
5 xɛmɛ fama nɛ gaaxude yire itexi ra,
6 Na rabama nɛ beenun gbeti xa bolon,
7 beenun adamadi xa gbilen bɛndɛ a daaxi naxɛ,
8 N tan Kawandila xa a fala wo bɛ,
9 Wo xa a kolon yi Kawandila findixi xaxilima nan na, naxan bara ɲama xaran. A bara taalie mato, a e yailan.
10 Yi Kawandila kata nɛ a xa masenyi fanyie nun sɛbɛli tinxinxie sɔtɔ naxee nɔndi masenma.
11 Xaxilimae xa masenyie luxi nɛ alɔ wuri rameluxi naxee xurusee raɲɛrɛma. Na masenyie malanxi luxi nɛ alɔ lantuma naxee mabanbanxi wuri ma. Na birin fatanxi Xuruse dɛmadonyi keren nan na.
12 N ma di, naxan dangi na masenyie ra, i xa i yɛtɛ ratanga na ma. Danyi mu na sɛbɛli yailanfe ma. Xaranyi gbegbe mixi rataganma nɛ.
13 A birin xundusuxi yi masenyi nan na:
14 Won xa gaaxu Ala ya ra barima a tan nan mixi xa wali birin makiitima,