1 Aya ndiwo aiva mapoka avanakomana vaAroni:
2 Asi Nadhabhi naAbhihu vakafa baba vavo vasati vafa, uye vakanga vasina vanakomana; saka Ereazari naItamari vakashumira savaprista.
3 Achibatsirwa naZadhoki chizvarwa chaEreazari naAhimereki chizvarwa chaItamari, Dhavhidhi akavapatsanura akavaisa mumapoka kuti vaite basa ravo roushumiri ravakanga varayirwa.
4 Vatungamiri vazhinji vakanyanyowanikwa pane zvizvarwa zvaEreazari kupfuura pakati pezvizvarwa zvaItamari uye vakaiswa mumapoka zvakakodzerana: vakuru gumi navatanhatu kubva kuzvizvarwa zvaEreazari uye vakuru vasere kubva kuzvizvarwa zvaItamari.
5 Vakavaisa mumapoka zvakakodzerana, nokukanda mijenya nokuti paiva navabati venzvimbo tsvene navabati vaMwari pakati pezvizvarwa zvaEreazari nezvizvarwa zvaItamari.
6 Munyori Shemaya mwanakomana waNetaneri, muRevhi, akanyora mazita avo pamberi pamambo, napamberi pavabati vaiti: Zadhoki muprista, Ahimereki mwanakomana waAbhiatari navakuru vemhuri dzavaprista navaRevhi mhuri imwe chete ichitorwa kubva kuna Ereazari uye imwe chete kubva kuna Itamari.
7 Mujenya wokutanga wakawira pana Jehoyaribhi,
8 wechitatu kuna Harimi,
9 wechishanu kuna Marikia,
10 wechinomwe kuna Hakozi,
11 wepfumbamwe kuna Jeshua,
12 wegumi nomumwe kuna Eriashibhi,
13 wegumi nenhatu kuna Hupa,
14 wegumi neshanu kuna Bhiriga,
15 wegumi nenomwe kuna Heziri,
16 wegumi nepfumbamwe kuna Petahia,
17 wemakumi maviri nomumwe kuna Jakini,
18 wemakumi maviri nenhatu kuna Dheraya,
19 Iri ndiro raiva basa ravo roushumiri ravakanga varayirwa pavakapinda mutemberi yaJehovha, maererano nemitemo yavakanga vapiwa nababa wavo Aroni sokurayirwa kwaakanga aitwa naJehovha, Mwari waIsraeri.
20 Kana zviri zvimwe zvizvarwa zvaRevhi:
21 Kana ari Rehabhia, kuvanakomana vake: Ishia aiva wokutanga.
22 Kubva kuvaIzhari: Sheromoti;
23 Vanakomana vaHebhuroni vaiva:
24 Mwanakomana waUzieri aiva: Mika;
25 Mununʼuna waMika: Ishia;
26 Vanakomana vaMerari vaiva: Mari naMushi.
27 Vanakomana vaMerari vaiva:
28 Kubva kuna Mari: Ereazari, uye akanga asina vanakomana.
29 Kubva kuna Kishi mwanakomana waKishi aiva: Jerameeri.
30 Uye vanakomana vaMushi vaiti: Mari, Edheri naJerimoti.
31 Vakakandawo mijenya sezvaingoita hama dzavo zvizvarwa zvaAroni, pamberi paMambo Dhavhidhi naZadhoki, Ahimereki navakuru vemhuri dzavaprista navaRevhi. Mhuri dzomukoma pane vose dzaingoverengwa zvimwe chetezvo sedzomudiki pane vose.