1 ⲁⲩⲱ ⲁⲡϫⲟⲉⲓⲥ ϣⲁϫⲉ ⲛⲁϩⲣⲙ ⲙⲱⲩⲥⲏⲥ ⲙⲛ ⲁⲁⲣⲱⲛ ⲉϥϫⲱ ⲙⲙⲟⲥ</ab>
2 ϫⲉ ⲧⲁⲓ ⲧⲉ ⲧⲇⲓⲁⲥⲧⲟⲗⲏ ⲙⲡⲛⲟⲙⲟⲥ ⲛⲉⲛⲧⲁϥⲟⲩⲉϩⲥⲁϩⲛⲉ ⲙⲙⲟⲟⲩ ⲛϭⲓ ⲡϫⲟⲉⲓⲥ ⲉϥϫⲱ ⲙⲙⲟⲥ ϫⲉ ϣⲁϫⲉ ⲙⲛ ⲛϣⲏⲣⲉ ⲙⲡ ⲛⲥⲉⲉⲓⲛⲉ ϣⲁⲣⲟⲕ ⲉⲛⲟⲩⲃⲁϩⲥⲉ ⲛⲧⲟⲣϣ ⲉⲥⲟⲩⲁⲁⲃ ⲉⲧⲉⲙⲛⲗⲁⲁⲩ ⲛϫⲃⲓⲛ ⲛϩⲏⲧⲥ ⲁⲩⲱ ⲙⲡⲟⲩⲧⲁⲗⲉⲛⲁϩⲃ ⲉϫⲱⲥ</ab>
3 ⲛⲅϯ ⲙⲙⲟⲥ ⲛⲉⲗⲉⲁⲍⲁⲣ ⲡⲟⲩⲏⲏⲃ ⲛⲥⲉⲉⲓⲛⲉ ⲙⲙⲟⲥ ⲡⲃⲟⲗ ⲡⲃⲟⲗ ⲛⲧⲡⲁⲣⲉⲙⲃⲟⲗⲏ ⲉϩⲣⲁⲓ ⲉⲩⲙⲁ ⲉϥⲟⲩⲁⲁⲃ ⲛⲥⲉⲕⲱⲱⲥ ⲙⲙⲟⲥ ⲙⲡϥⲉⲙⲧⲟ ⲉⲃⲟⲗ</ab>
4 ⲛⲧⲉⲉⲗⲉⲁⲍⲁⲣ ϫⲓ ϩⲙ ⲡⲉⲥⲛⲟϥ ⲛϥϭⲟϣϭϣ ⲉⲃⲟⲗ ϩⲙ ⲡⲉⲥⲛⲟϥ ⲙⲡⲉⲙⲧⲟ ⲉⲃⲟⲗ ⲛⲧⲉⲥⲕⲩⲛⲏ ⲙⲡⲙⲛⲧⲣⲉ ⲛⲥⲁϣϥ ⲛⲥⲟⲡ</ab>
5 ⲡⲉⲥⲥⲛⲟϥ ⲙⲛ ⲡⲉⲥⲥⲟⲣⲧ ⲉⲩⲉⲣⲱⲕϩ ⲙⲙⲟⲟⲩ</ab>
6 ⲛⲧⲉⲡⲟⲩⲏⲏⲃ ϫⲓ ⲛⲟⲩϣⲉ ⲛⲕⲉⲛⲇⲣⲓⲛⲟⲛ ⲙⲛ ⲟⲩϩⲩⲥⲟⲡⲟⲛ ⲛⲥⲉⲛⲟⲩϫⲉ ⲙⲙⲟⲟⲩ ⲉⲧⲙⲏⲧⲉ ⲙⲡϣⲁϩ ⲛⲧⲃⲁϩⲥⲉ</ab>
7 ⲛϥⲉⲓⲱ ⲛⲛⲉϥϩⲟⲓⲧⲉ ⲛϭⲓ ⲡⲟⲩⲏⲏⲃ ⲛϥϫⲱⲕⲙ ⲙⲡⲉϥⲥⲱⲙⲁ ϩⲛ ⲟⲩⲙⲟⲟⲩ ⲙⲛⲛⲥⲁ ⲛⲁⲓ ⲛϥⲃⲱⲕ ⲉϩⲟⲩⲛ ⲉⲧⲡⲁⲣⲉⲙⲃⲟⲗⲏ ⲛⲧⲉⲡⲟⲩⲏⲏⲃ ϣⲱⲡⲉ ⲉϥϫⲁϩⲙ ϣⲁ ⲡⲛⲁⲩ ⲛⲣⲟⲩϩⲉ</ab>
8 ⲛⲧⲉⲡⲉⲧⲛⲁⲣⲟⲕϩⲥ ϩⲱⲱϥ ⲉⲓⲱ ⲛⲛⲉϥϩⲟⲓⲧⲉ ⲛϥϫⲱⲕⲙ ⲙⲡⲉϥⲥⲱⲙⲁ ϩⲛ ⲟⲩⲱⲟⲟⲩ ⲛϥϣⲱⲡⲉ ⲉϥϫⲁϩⲙ ϣⲁ ⲡⲛⲁⲩ ⲛⲣⲟⲩϩⲉ</ab>
9 ⲁⲩⲱ ⲛϥⲥⲱⲟⲩϩ ⲉϩⲟⲩⲛ ⲛϭⲓ ⲟⲩⲣⲱⲙⲉ ⲉϥⲟⲩⲁⲁⲃ ⲙⲡⲕⲉⲣⲙⲏⲥ ⲛⲧⲃⲁϩⲥⲉ ⲛϥⲕⲁⲁϥ ⲙⲡⲃⲟⲗ ⲛⲧⲡⲁⲣⲉⲙⲃⲟⲗⲏ ϩⲛ ⲟⲩⲙⲁ ⲉϥⲟⲩⲁⲁⲃ ⲛϥϣⲱⲡⲉ ⲛⲟⲩϩⲁⲣⲉϩ ⲛⲧⲥⲩⲛⲁⲅⲱⲅⲏ ⲛⲉⲛϣⲏⲣⲉ ⲙⲡ ⲉⲩⲙⲟⲟⲩ ⲛϭⲟϣϭⲉϣ ⲛⲁⲩ ⲛϩⲏⲧϥ ϫⲉ ⲉⲩⲉⲧⲃⲃⲟⲟⲩ</ab>
10 ⲛϥⲉⲓⲱ ⲛⲛⲉϥϩⲟⲓⲧⲉ ⲛϭⲓ ⲡⲉⲧⲛⲁⲥⲱⲟⲩϩ ⲙⲡⲕⲉⲣⲙⲏⲥ ⲛⲧⲃⲁϩⲥⲉ ⲛϥϣⲱⲡⲉ ⲉϥϫⲁϩⲙ ϣⲁ ⲡⲛⲁⲩ ⲛⲣⲟⲩϩⲉ ⲛϥϣⲱⲡⲉ ⲛⲟⲩⲛⲟⲙⲓⲙⲟⲛ ϣⲁ ⲉⲛⲉϩ ⲛⲉⲛϣⲏⲣⲉ ⲙⲡ ⲙⲛ ⲛⲉⲡⲣⲟⲥⲩⲗⲏⲧⲟⲥ ⲉⲧⲛⲁⲟⲩⲁϩⲟⲩ ⲉⲣⲱⲧⲛ</ab>
11 ⲡⲉⲧⲛⲁϫⲱϩ ⲉⲯⲩⲭⲏ ⲛⲓⲙ ⲛⲣⲱⲙⲉ ⲉⲩⲙⲟⲟⲩⲧ ⲉϥⲉϣⲱⲡⲉ ⲉϥϫⲁϩⲙ ⲛⲥⲁϣϥ ⲛϩⲟⲟⲩ</ab>
12 ⲡⲁⲓ ⲇⲉ ⲉϥⲉⲧⲃⲃⲟϥ ⲙⲡⲙⲉϩϣⲟⲙⲛⲧ ⲛϩⲟⲟⲩ ⲙⲛ ⲡⲙⲉϩⲥⲁϣϥ ⲛϩⲟⲟⲩ ⲛϥϣⲱⲡⲉ ⲉϥⲧⲃⲃⲏⲩ ⲉϥⲧⲙⲧⲃⲃⲟϥ ⲇⲉ ϩⲙ ⲡⲙⲉϩϣⲟⲙⲛⲧ ⲛϩⲟⲟⲩ ⲁⲩⲱ ⲡⲙⲉϩⲥⲁϣϥ ⲛϩⲟⲟⲩ ⲛϥⲛⲁϣⲱⲡⲉ ⲁⲛ ⲉϥⲟⲩⲁⲁⲃ</ab>
13 ⲟⲩⲟⲛ ⲛⲓⲙ ⲉⲧⲛⲁϫⲱϩ ⲉⲡⲉⲛⲧⲁϥⲙⲟⲩ ⲉϫⲛ ⲟⲩⲯⲩⲭⲏ ⲛⲣⲱⲙⲉ ⲉϥⲧⲙⲧⲃⲃⲟϥ ϩⲛ ⲧⲉⲥⲕⲩⲛⲏ ⲙⲡϫⲟⲉⲓⲥ ⲁϥⲥⲱⲱϥ ⲙⲙⲟⲥ ⲧⲉⲯⲩⲭⲏ ⲉⲧⲙⲙⲁⲩ ⲉⲩⲉⲃⲟⲧⲥ ⲉⲃⲟⲗ ϩⲙ ⲡⲉⲥⲗⲁⲟⲥ ϫⲉ ⲡⲙⲟⲟⲩ ⲙⲡϭⲟϣϭⲉϣ ⲙⲟⲩϭⲉϣϭⲱϣϥ ⲙⲙⲟⲥ ⲟⲩⲁⲕⲁⲑⲁⲣⲧⲟⲥ ⲡⲉ ⲧⲉϥⲁⲕⲁⲑⲁⲣⲥⲓⲁ ϣⲟⲟⲡ ϩⲣⲁⲓ ⲛϩⲏⲧϥ</ab>
14 ⲁⲩⲱ ⲡⲁⲓ ⲡⲉ ⲡⲛⲟⲙⲟⲥ ⲉⲣϣⲁⲛⲟⲩⲣⲱⲙⲉ ⲙⲟⲩ ϩⲛ ⲟⲩⲏⲓ ⲟⲩⲟⲛ ⲛⲓⲙ ⲉⲧⲛⲁⲃⲱⲕ ⲉϩⲟⲩⲛ ⲉⲡⲏⲓ ⲁⲩⲱ ⲛⲕⲁ ⲛⲓⲙ ⲉⲧϩⲙⲡⲏⲓ ⲉⲩⲉϣⲱⲡⲉ ⲉⲩϫⲁϩⲙ ⲛⲥⲁϣϥ ⲛϩⲟⲟⲩ</ab>
15 ⲁⲩⲱ ⲛⲕⲁ ⲛⲓⲙ ⲉⲧⲟⲩⲉⲛⲡⲁⲓ ⲙⲡⲟⲩⲙⲟⲣϥ ϩⲛ ⲟⲩⲙⲣⲣⲉ ⲟⲩⲁⲕⲁⲑⲁⲣⲥⲓⲁ ⲡⲉ</ab>
16 ⲁⲩⲱ ⲟⲩⲟⲛ ⲛⲓⲙ ⲉⲧⲛⲁϫⲱϩ ϩⲣⲁⲓ ϩⲓϫⲙ ⲡϩⲟ ⲛⲧⲥⲱϣⲉ ⲉⲩϩⲱⲧⲃ ⲏ ⲉⲩⲕⲱⲱⲥ ⲏ ⲟⲩⲕⲁⲥ ⲛⲣⲱⲙⲉ ⲏ ⲟⲩⲉⲙϩⲁⲁⲩ ⲉϥⲉϣⲱⲡⲉ ⲉϥϫⲁϩⲙ ⲛⲥⲁϣϥ ⲛϩⲟⲟⲩ</ab>
17 ⲉⲩⲉϫⲓ ⲇⲉ ⲉⲃⲟⲗ ϩⲙ ⲡⲕⲉⲣⲙⲏⲥ ⲛⲧⲉⲩⲧⲃⲃⲟ ⲛⲧⲁⲩⲣⲟⲕϩϥ ⲛⲥⲁϣϥ ⲛϩⲟⲟⲩ ⲉⲩⲉϫⲓ ⲇⲉ ⲉⲃⲟⲗ ϩⲙ ⲡⲕⲉⲣⲙⲏⲥ ⲛⲧⲉⲩⲧⲃⲃⲟ ⲛⲧⲁⲩⲣⲟⲕϩϥ ⲛⲥⲉⲡⲱϩⲧ ⲉϫⲱϥ ⲛⲛⲟⲩⲙⲟⲟⲩ ⲉϥⲟⲛϩ ϩⲛ ⲟⲩϩⲛⲁⲁⲩ</ab>
18 ⲛϥϫⲓ ⲛⲟⲩϩⲩⲥⲟⲡⲟⲛ ⲛϥⲥⲟⲡϥ ϩⲙ ⲡⲙⲟⲟⲩ ⲛϭⲓ ⲡⲣⲱⲙⲉ ⲉⲧⲟⲩⲁⲁⲃ ⲛϥϭⲟϣϭⲉϣ ⲉϫⲙ ⲡⲁⲕⲁⲑⲁⲣⲧⲟⲥ ⲁⲩⲱ ⲉϫⲙ ⲡⲏⲓ ⲙⲛ ⲛⲉⲥⲕⲉⲩⲏ ⲙⲛ ⲛⲉⲯⲩⲭⲏ ⲉⲧϣⲟⲟⲡ ⲙⲙⲁⲩ ⲙⲛ ⲡⲉⲛⲧⲁϥϫⲱϩ ⲉⲡⲕⲁϩ ⲛⲣⲱⲙⲉ ⲏ ⲡϩⲱⲧⲃ ⲙⲡⲏⲓ ⲛⲧⲁϥⲙⲟⲩ ⲏ ⲡⲉⲙϩⲁⲁⲩ</ab>
19 ⲛⲧⲉⲡⲕⲁⲑⲁⲣⲟⲥ ϭⲙϭⲟⲙ ⲉϩⲣⲁⲓ ⲉϫⲙ ⲡⲁⲕⲁⲑⲁⲣⲧⲟⲥ ϩⲙ ⲡⲙⲉϩϣⲟⲙⲛⲧ ⲛϩⲟⲟⲩ ⲙⲛ ⲡⲙⲉϩⲥⲁϣϥ ⲛϩⲟⲟⲩ ⲁⲩⲱ ⲉϥⲉϣⲱⲡⲉ ⲉϥⲟⲩⲁⲁⲃ ϩⲙ ⲡⲙⲉϩⲥⲁϣϥ ⲛϩⲟⲟⲩ ⲁⲩⲱ ⲉϥⲉⲉⲓⲱ ⲛⲛⲉϥϩⲟⲓⲧⲉ ⲛϥϫⲱⲕⲙ ϩⲛ ⲟⲩⲙⲟⲟⲩ ⲛϥϣⲱⲡⲉ ⲉϥϫⲁϩⲙ ϣⲁ ⲡⲛⲁⲩ ⲛⲣⲟⲩϩⲉ</ab>
20 ⲁⲩⲱ ⲡⲣⲱⲙⲉ ⲉⲧⲛⲁϫⲱϩⲙ ⲛϥⲧⲙⲧⲃⲃⲟϥ ⲉⲩⲉⲃⲉⲧⲧⲉⲯⲩⲭⲏ ⲉⲧⲙⲙⲁⲩ ⲉⲃⲟⲗ ϩⲛ ⲧⲙⲏⲧⲉ ⲛⲧⲥⲩⲛⲁⲅⲱⲅⲏ ϫⲉ ⲛⲉⲧⲟⲩⲁⲁⲃ ⲙⲡϫⲟⲉⲓⲥ ⲁϥⲥⲱⲱϥ ⲙⲙⲟⲟⲩ ϫⲉ ⲙⲡⲟⲩϭⲟϣϭϣ ⲙⲡⲙⲟⲟⲩ ⲙⲡⲧⲃⲃⲟ ⲉϩⲣⲁⲓ ⲉϫⲱϥ ϥϫⲁϩⲙ</ab>
21 ⲁⲩⲱ ⲉϥⲉϣⲱⲡⲉ ⲛⲏⲧⲛ ⲛⲟⲩⲛⲟⲙⲓⲙⲟⲛ ϣⲁ ⲉⲛⲉϩ ⲁⲩⲱ ⲡⲉⲧϭⲟϣϭϣ ⲙⲡⲙⲟⲟⲩ ⲛϭⲟϣϭϣ ⲉϥⲉⲣⲱϩⲉ ⲛⲛⲉϥϩⲟⲓⲧⲉ ⲁⲩⲱ ⲡⲉⲧⲛⲁϫⲱϩ ⲉⲡⲙⲟⲟⲩ ⲙⲡϭⲟϣϭϣ ϥⲛⲁϣⲱⲡⲉ ⲉϥϫⲁϩⲙ ϣⲁ ⲡⲛⲁⲩ ⲛⲣⲟⲩϩⲉ</ab>
22 ⲁⲩⲱ ⲛⲕⲁ ⲛⲓⲙ ⲡⲁⲓ ⲉⲧⲉⲣⲉⲡⲉⲧϫⲁϩⲙ ⲛⲁϫⲱϩ ⲉⲣⲟϥ ⲉϥⲉϣⲱⲡⲉ ⲉϥϫⲁϩⲙ ⲁⲩⲱ ⲧⲉⲯⲩⲭⲏ ⲉⲧⲛⲁϫⲱϩ ⲉⲡⲁⲕⲁⲑⲁⲣⲧⲟⲥ ⲉⲥⲛⲁϣⲱⲡⲉ ⲉⲥϫⲁϩⲙ ϣⲁ ⲡⲛⲁⲩ ⲛⲣⲟⲩϩⲉ</ab>