1 Zabur. Hunanzamzaaroo hane dooni.
2 A ga boori boro ma Abadantaa saabu,
3 Ni borohennataraa ma harandi za subbaahi,
4 hooray jinay linji woykoyni (10) nda kurbu ga,
5 Ya Abadantaa, ni teegoyey gʼay ɲaalandi.
6 Abadantaa, ni teegoyey ga beeri,
7 Saama sʼa bay,
8 Boro futu ga tun ka boobo sanda subu kaŋ ga zay,
9 Amma ni, hala abada ni mma jer beene, Abadantaa!
10 Zama sohõ da, ni iberey, Abadantaa,
11 Nʼgʼay boŋoo jer sanda ganjihaw boŋoo,
12 Ay moɲey ga dii agay nkuwawey,
13 Boro šerrantey ga tonton ka koy jine sanda teenayɲaa,
14 I ga hima nda tuuri kaŋ dumandi Abadantaa hugoo ra,
15 Ba ngi žeenay ga i ga ize tee,
16 ka bayrandi kaŋ Abadantaa ga šerre.