1 Donkey boŋkoynoo ka woo don. Woo ti Kora izey bayti dooni foo.
2 Ya Irkoy, ir haŋawey maa,
3 Nʼna ni kaboo ka gandawey gaaray,
4 Zama manʼti ngi takubawey ka kate i ma gandaa mayray,
5 Ya ay Koyoo, ni, ni ti ay Kokoyoo.
6 Ni albarkaa ra ir gʼir torrokey kar,
7 Zama manʼti ay biraa ra ay gʼay naanaa daŋ,
8 Amma ni no mʼir hallasi ir torrokey ra,
9 Zaaroo kul ir ga fooma nda Irkoy,
10 Amma woo kul, nʼnʼir fur,
11 Nʼnʼir zurandi ir torrokey jine,
12 Nʼgʼir daŋ kabe ra sanda feejiyaŋ kaŋ i gʼi ŋaa,
13 Nʼna ni jamaa neere hay faala,
14 Nʼga naŋ ir taalammey mʼir wow,
15 Nʼnʼir tee yaasayhaya gandawey se,
16 Zaaroo kul ay kaynandoo goo ay jine,
17 kaynandikey nda wowkey šenney maayanoo se,
18 Woo kul duu ir, amma ir mana dirɲa ni,
19 Ir biney mana yee banda,
20 Woo kul, nʼnʼir motti nzoŋawey gorodogoo ra,
21 Nda a gar ir nka dirɲa ir Koyoo maaɲoo,
22 Irkoy nka si bay wala?
23 Ni maaganda se i gʼir wii zaaroo kul,
24 Ay Koyoo, tun! Macin se nʼga jirbi?
25 Macin se nʼga ni ndumoo bere ir se?
26 Zama ir hundey žillandi laboo ra,
27 Tun kʼir faaba!