1 Woo ti Dawda zabur foo.
2 Yala ay ŋaarayroo ma tee ma ne sanda dugu,
3 Abadantaa, ay miɲoo hawgay,
4 Masi naŋ ay binoo ma šiiri ka koy haya laala here.
5 Nda boro šerrante nʼay kar, gomni no,
6 Nda ngi alkaaley warrandi ka tondi fonku,
7 Sanda beerikaw kaŋ ga laboo zafa kʼa fay ihinka,
8 Abadantaa, ay Koyoo, ni here ay gʼay moɲey bere,
9 Ay hallasi kumsaa ra kaŋ i gʼa hirri ya ne,
10 Yala boro laaley ma kaŋ cere bande ngi kumsawey ra,