1 Ay izʼaroo, gaabu ay šenney ga,
2 Gaabu ay yaamarey ga hala ma duu ka huna,
3 I haw ni kabe-izey ga,
4 Nee lakkal se: «Ay woymaa ti ni!»
5 Woo ra, a ga ni hallasi wande waanoo ra,
6 Han foo, ay goo ay funeetaraa ga,
7 Ay goo ma guna boŋbiyey ra,
8 A ga bisa lolaa kanjoo ga kaŋ ra woyoo din goo,
9 Almaaroo ra no, waynaa kaŋyanoo ga,
10 Woy foo ne kʼa kubay
11 Woyoo woo, deenoo ga beeri, moɲoo ga kogu,
12 nda a sii lolaa ra, a goo farrey ra,
13 A na aru soogaa din dii kʼa summu
14 «Alaafiya teendi sargari no ay ga hima kʼa kaa,
15 Woo se ay fatta ka ni kubay,
16 Ay na kunta hennayaŋ daŋ ay daaroo ga,
17 Ay na turaari daŋ ay kanidogoo ra,
18 Kaa, ir ma daame baji ra hala moo booyan ga,
19 Zama ay kurɲoo sii hugey do,
20 A koy nda nga bande nooru foolaa,
21 Woyoo nʼa bere nda nga moɲey kaŋ hanse ka hay,
22 Dogoo din da a hanga a,
23 hala waati kaŋ biraw-ize na nga tasaa hay,
24 Sohõ ay izʼarey, wa haŋajer ya ne,
25 Yala ni binoo masi yadda ka hanga woyoo woo dumoo,
26 Zama a na aru boobo kaŋandi kʼi wii,
27 Nga hugoo ti fondo kaŋ ga koy alaahara