1 Ay izʼarey, wa haŋajer baaba hoyraa se,
2 zama ay na war noo bayray henna,
3 Waatoo kaŋ ay goo zankataray ra,
4 Ay baabaa gʼay cawandi, a nee ya ne:
5 Duu lakkal, duu fahamay,
6 Masʼa naŋ, a ga ni hawgay,
7 Lakkal duuyan šintinoo ti:
8 A beerandi, a ga ni jer,
9 A ga fatala alhormante ka ni boŋoo taalam,
10 Haŋajer, ay izʼaroo, gaabu ay šenney ga,
11 Ay na lakkal fondaa cawandi ma ne,
12 Nda nʼga dira nʼsi kati ni cee diraa ra,
13 Gaabandi hoyray bande, masʼa naŋ,
14 Masi boro futawey dira takaa guna ka dira,
15 A naŋ, masi bisa nda no din,
16 Zama i si jirbi nda manʼti i nka goy futu tee,
17 Zama ifutu de ti ngi meehunaa,
18 Boro šerrantey fondaa ga hima nda alfazar gaayoo
19 Boro laaley fondaa ga hima nda kubaa,
20 Ay izʼaroo, lakkal daŋ ay šenney se,
21 Masi naŋ i ma hun ni moɲey cire,
22 Zama hunayan no borey se kaŋ duu ey,
23 Ma ni binoo hawgay ka bisa haya kul,
24 Ni miɲoo moorandi taari,
25 Yala ni moɲey ma ni tenjoo guna,
26 Fondaa kanandi ni cewey se,
27 Masi šiiri ka koy ni kabe gumaa wala iwaawaa ga,