1 Ay izʼaroo, nda nʼnʼay šenney dii,
2 nda nʼna haŋa kayandi lakkal šenney se,
3 nda cimi, nda nʼna lakkal cee,
4 nda nʼgʼa ceeci sanda nzorfu kaaray,
5 woo ra nʼga faham haya kaŋ ti Abadantaa hunburaa,
6 Zama Abadantaa no ma lakkal noo,
7 A ga koyjineyan jisi boro šerrantey se,
8 ka fondo hennawey hawgay,
9 Woo ra nʼga bay haya kaŋ ti šerretaray,
10 Waati kaŋ lakkal huru ni binoo ra,
11 miileyan ga ni hawgay,
12 ka ni feeri ka ni kaa fondo laala ga,
13 nda borey kaŋ ga fondo šerrantey naŋ
14 nda borey ra kaŋ ga ɲaali nda ifutu teeyan,
15 ngi kaŋ ngi fondawey ga šiiri,
16 ka ni hallasi woy waani ra,
17 Woy no kaŋ ga nga soogataray cere kaanaa fur,
18 Nga hugoo si šiiri ka koy kala buuyan here,
19 Boro kul kaŋ koy a here si willi kate koyne,
20 Woo ra nʼga hanga boro henney fondaa bande,
21 Zama boro šerrantey ga goro gandaa ra,
22 amma boro laaley ga hun gandaa ra,