1 Ayuba zaabi ka nee:
2 «Cimi no, ay ga bay kaŋ takaa woo da no,
3 Boro kaŋ ga ciiti Irkoy bande,
4 Lakkalkoyni no, nga gaaboo ga sahã,
5 Nga kaŋ ga tondi hondey kaa dogey ra bila nda i ma bay,
6 A ga laboo zinji-zinji nga asaasoo ga,
7 A ga šelaŋ waynaa se, waynaa si fatta,
8 Nga hinne no ma beenaa daaru,
9 Nga no ka hawsa handarawey tee,
10 A ga haya beeriyaŋ tee kaŋ si fahamandi,
11 A ga bisa ay jere, ay si dii a,
12 May no ma hin ka haya taa kaŋ a nʼa dii?
13 Irkoy si nga boŋ futuroo gagay,
14 De agay, taka foo nda ay ga hin ka tuuru a se?
15 Ba nda ay tee šerrante
16 Nda ay nʼa cee, a tuuru ya ne,
17 nga kaŋ ga burbusu kʼay motti bila addalil,
18 a si naŋ ya hunsar,
19 Nda gaabi no, nga ti hinoo.
20 Ba nda ya mma šerre, ay miɲoo gʼay zukandi,
21 Ay ga laadir wala? Ay si huga nda ay boŋ.
22 Woo kul, ay si kula!
23 Ba nda bone kaa ka kaŋ borey boŋ kʼi wii,
24 Nda ganda naŋandi boro laaley kabey ra,
25 Ay zaarey cahã nda zurukaw,
26 Ngi diraa ga cahã sanda kakaaru hii,
27 Nda ay nee: ‹Ay ga baa ya dirɲa ay doorawey,
28 ay farayanoo nʼay hunburandi.
29 Agay ti boro laalaa!
30 Ba nda ay ɲumay neeži hari ra,
31 nʼgʼay warra žiibi guusoo ra,
32 Zama manʼti adamize no sanda agay
33 Waafakandikaw sii ir game
34 A ma nga goboo moorandi agay,
35 Woo ga, ay ga šelaŋ, ay si hunbur a.