1 «Aywa, kaati ka ciya!
2 Zama binetunay ga saama wii,
3 Ay dii saamaa goro ka boori,
4 ‹Yala nga izey ma jaŋ faabayan kul!
5 Yala heraykoyni ma nga hegaa gon,
6 Bone si hun labutaasoo ra,
7 Adamize mana hayandi kala farayan se,
8 Nda a gar agay ti ni, ay ga Irkoy ceeci,
9 A ga haya beeriyaŋ tee kaŋ si fahamandi,
10 A ga ncirɲi taŋ laboo ga,
11 A ga borey jer kaŋ goo ganda,
12 A ga hiilantey anniya futawey hasara,
13 A ga lakkalkoyney dii nda ngi boŋ carmaa,
14 I ga sawa nda kubay zaari kaaray ra,
15 Amma a ga talkaa hallasi takuba ra kaŋ ga hun miɲey ra,
16 Naata goo jaŋante se,
17 Woo ga, boraa duu gomni kaŋ Irkoy ga aladabu,
18 Nga no ma boro maray, a gʼa safar.
19 Zarabiyaŋ ga hin ka duu ni cee iddu, amma a ga ni hallasi,
20 Heray waati, a ga ni hallasi buuyan ra,
21 Nʼga hallasi maahasaraw ra,
22 Nʼga haaru bone nda heray waati ra,
23 Amaana ga huru ni nda faarey tondey game,
24 Nʼga dii baani ni gorodogoo ra,
25 Nʼga dii ni hayrey kaŋ ga boobo,
26 Žeenay banda ga, nʼga huru saaraa ra,
27 Nga ne, ir ceeci ka hayey wey guna.