1 «Cimi no, nongu goo no kaŋ ra nzorfu kaaray ga hun,
2 Guuru bibi si hun kala laboo ra,
3 Kubawey ga ben,
4 I ga guusu fanši kaŋ ga mooru borey gorodogoo,
5 Laboo kaŋ ra meehunay ga hun gandaheroo
6 Safir tondi si duwandi kala laboo tondey ra,
7 Ciraw kaŋ ga hoo si fondaa bay,
8 Ganjihooga kaŋ ga zankam mana too no din,
9 Adamize ga kaŋ tondi ga,
10 A ga guusu kaa tondey ra kʼa tee hari bisadoo,
11 A ga haroo kayandi hala a masi dandi,
12 Amma man ra lakkal ga duwandi?
13 Adamize si alkadaroo bay,
14 Guusu beeroo nee: ‹A sii ay ra.›
15 Ba wura alhakiika sʼa noo boro se,
16 A si hin ka neešandi Ofir gandaa wura bande,
17 Wura wala diji si hin ka deedandi a ga,
18 Hiiri caadante nda murmur si hin ka kay a jine,
19 Topaz tondi kaŋ hun Ecopi gandaa ra
20 Man ra lakkal ga hun?
21 A tugandi hundikoyni kul se,
22 Guusu futaa nda buuyanoo šelaŋ ka nee:
23 Irkoy no ma lakkal fondaa bay,
24 zama nga no ma dii hala laboo kaydogoo ga,
25 Nga no ka hewoo hinoo daŋ,
26 Waati kaŋ a na yaamar noo ncirɲoo se,
27 waatoo din a dii lakkal, a nʼa deede,
28 Woo banda ga, a nee adamize se: