1 Ayuba zaabi ka nee:
2 «Ba hõ ay dukuroo mma tee tureyan,
3 He! Nda ya mma bay nongu kaŋ ra ay ga duu a,
4 Ay gʼay misoo hẽe a ga,
5 Ay ga šenney bay kaŋ nda a gʼay zaabi,
6 A ga nga gaaboo kul daŋ kʼay wurru wala?
7 Boro šerrante goo no din kaŋ ga šelaŋ a bande,
8 Amma nda ay koy waynahunay, a sii no,
9 Kaboo mma šiita hawsa here, ay si dii a,
10 Ka gar, a ga fondaa bay kaŋ ga ay goo,
11 Ay cewey hanga nga cee dogey,
12 Ya na hibi nga miɲoo yaamarey ga,
13 Amma nga, a si bere,
14 Hayaa kaŋ a na kayandi ay here, a gʼa tee,
15 Woo se ay lakkaloo ga tun a jine,
16 Irkoy kʼay binoo kaa,
17 Amma manʼti kubawey no mʼay halaci,