1 «Beenaa, haŋajer, ay ga šelaŋ!
2 Yala ay bayraa ma doo sanda ncirɲi,
3 Zama ay ga Abadantaa maaɲoo fee.
4 Nga ti Tondoo, nga teegoyey ga timme,
5 I na ngi boŋ hasara, manʼti nga no,
6 Takaa woo nda war ga hima ka Abadantaa dii wala, jama hollokom kaŋ sii nda lakkal?
7 Hongu waati bisantey,
8 Waati kaŋ Koy Jerantaa na gandawey noo tubu,
9 Zama Abadantaa bagaa manʼti kala nga jamaa,
10 A mana duu a kala saaji ganda ra,
11 A ga hima nda dutal kaŋ ga nga izey tunandi nga tejoo ra,
12 Abadantaa hinne no mʼa gongu, koy waani kul sii a bande.
13 A nʼa dirandi gandaa hodaddawey ra kʼa ŋandi faarey izey,
14 A gʼa noo haw waahoonu, nda feeji waa, nda feeji-ize maani,
15 Yešurun warga, a na tafa. Ni warga, ni naasu, ni yuttu.
16 I ga nga canseroo tunandi nda koy waaniyaŋ ganayan,
17 I ga sargari kaa ganjey se kaŋyaŋ manʼti Irkoy,
18 Nʼna Tondoo yala kaŋ na ni daŋ aduɲɲa ra,
19 Waatoo kaŋ Abadantaa dii woo, a mana tee a se,
20 A nee: ‹Ay ga agay ndumoo tugu i se,
21 I nʼay canseroo tunandi nda hayayaŋ kaŋ manʼti Irkoy,
22 Ay futuroo nuunaa dii,
23 Ay ga bone marga kʼa zumandi i boŋ,
24 Heray gʼi ɲoomandi, gaaham konni nda sorfa gʼi ŋaa,
25 Taraa ra, takuba ga ngi izey wii,
26 Ay nee ay boŋ se: ‹Ay gʼi say-say kʼi benandi,
27 nda ay mana hunbur iberoo ma fooma ay ga, ngi yenjekaarey ma dere
28 Zama ganda no kaŋ mana duu hoyray henna,
29 Nda a gar i mma bara nda lakkal i ga faham woo se,
30 Taka foo nda boro foo ga boro zenber foo (1.000) gaaray?
31 Zama ngi tondoo manʼti ir wanoo dumoo,
32 Ngi alanebɲaŋoo mana hun kala Sodom nda Gomor alanebɲaa faaroo ra,
33 Ngi alaneb hari mooraa manʼti kala gandakarfu naaji,
34 Woo mana tugandi ay jeroo ga wala?
35 Agay no ma bana, agay no ma alhaku kaa
36 Abadantaa ga nga jamaa ciiti,
37 A ga nee: ‹Man ra ngi koyey goo,
38 Man ra borey goo kaŋ na ngi sargarey maaney ŋaa,
39 Sohõ wa guna, agay no, cimi no, agay no,
40 Zama ay nʼay kaboo jer beenaa here,
41 Nda ay nʼay takubaa kaŋ ga hima nda meli miɲoo kaanandi,
42 Ay birawey ga suu nda kuri,
43 Gandawey cindey, wa war ɲaaloo cebe Irkoy jamaa se.
44 Musa kaa, nga nda Hoše, Nun izʼaroo ka baytoo woo kalimawey kul har jamaa jine.
45 Waatoo kaŋ Musa na šenney kul har Izirayel kul jine ka ben,
46 a nee i se: «Wa miile šenney kul ga kaŋ ay nʼi har war se hõ ka war izey yaamar i ma gaabandi ka ašariyaa šenney wey kul ka dira.
47 Zama manʼti šenni yaadayaŋ no war se, war hunaroo no. Šennoo woo no ma war noo aloomur laboo ga kaŋ war ga kaa kʼa mayray Žurdeŋ isaa deŋyanoo banda ga.»
48 Zaari follokaa din da ra, Abadantaa šelaŋ Musa se ka nee:
49 «Žigi Abarim tondi hondey ga, Nebo tondi hondoo boŋ kaŋ goo Mowab gandaa ra, Žeriko tenje, ma Kanaŋ gandaa guna kaŋ ay gʼa noo Izirayel borey se a ma tee ngi halaalaa.
50 Nʼga buu tondi hondoo boŋ kaŋ ga nʼga žigi, nʼga ni hayragey gar alaahara, sanda Haruna, ni armaa kaŋ buu Hor tondi hondoo ga, de a na nga hayragey gar alaahara.
51 Zama war na laybu beeri tee ay ga Izirayel borey game, Meriba kaŋ goo Kadeš haroo do, Tisin saajoo ra, war manʼay henanyanoo cebe Izirayel borey game.
52 Nʼga gandaa honnay ni jine, amma nʼsi huru gandaa ra kaŋ ay gʼa noo Izirayel borey se.»