1 YAWEI, ai garra oldei sing blanga det filing weya yu oldei laigimbat olagijawan.
2 Ai garra dalimbat blanga det filing blanga yu blanga laigimbat garra jidan olagijawan,
3 Yubin tok, “Aibin meigim strongwan pramis garram det men aibin pikimat.
4 ‘Brom yu femili lain na king garra oldei jidan.
5 Ebribodi langa hebin sing blanga ola gudwan ting yu oldei dumbat.
6 YAWEI, nobodi langa hebin jidan laik yu.
7 Olabat bradin langa yu brabliwei,
8 YAWEI, Boswan God, nobodi jidan garram pawa laik yu.
9 Yu jidan bos blanga detlot strongwan weib langa solwoda.
10 Yubin kilim ded det bigwan solwoda enimul gulum Reiheb.
11 Hebin im blanga yu, en dijan wel du.
12 Yubin meigim nowath en sauth.
13 Yu na det brabli strongbalawan.
14 God, yu jidan brabli haibalawan bos,
15 YAWEI, detlot pipul hu oldei weship yu garram ola song,
16 Dumaji blanga yu na, olabat oldei sing en toktokbat,
17 Garram yu pawa yu meigim melabat strongbala blanga win brabliwei.
18 YAWEI, yu na bin pikimat det king blanga lukaftumbat melabat jis laiga shild.
19 YAWEI, longtaim langa drim yubin tok langa ol yu trubalawan wekinmen,
20 Aibin meigim main wekinmen Deibid jidan king wen aibin spilim det seikridwan oil langa im hed.
21 Ai garra oldei album im,
22 Im enami olabat kaan neba win en jidan bos langa im.
23 Ai garra binijimap im enami olabat,
24 Ai garra laigim im en jidan trubala langa im.
25 Ai garra meigim im kantri bigwan, brom det Medatareiniyan solwoda raidap langa det Yufreitis Riba.
26 Deibid garra tok langa mi, ‘Yu main dedi en main God.
27 Ai garra meigim im main feswan san,
28 Ai garra oldei kipum main pramis langa im,
29 Im femili neim garra jidan olagijawan wulijim det skai.
30 “Bat if olabat nomo teiknodis en bulurrum ol detlot lowa blanga main,
31 en if olabat nomo dum wanim ai dalim olabat,
32 wal ai garra panishim olabat blanga olabat nogudbalawei.
33 Bat ai kaan stap laigimbat Deibid,
34 Ai kaan breigim main strongwan pramis langa im,
35 “Trubala dijan na det pramis aibin meigim garram main ronwan seikridwan neim.
36 Im femili lain garra kipgon olagijawan.
37 Im garra jidan olagija jis laik det mun,
38 Bat YAWEI, yubin gitwail langa det king weya yubin pikimat.
39 Yubin breigim yu strongwan pramis garram yu wekinmen,
40 Yubin breigimap ola wol blanga im taun,
41 Enibodi hubin wokpas langa det pleis bin stilim ebrijing blanga im.
42 Yubin meigim im enami olabat bidimbat im,
43 Yubin meigim nogud ola wepan blanga det king,
44 Yubin deigidawei im speshalwan stik weya im oldei holdim,
45 Yubin meigim im olmen na, bat im oni yangbala,
46 YAWEI, haulong yu garra haidim miselp?
47 Yu jinggabat na. Main laif kaan jidan longtaim.
48 Nobodi kaan jidan laibala en neba dai.
49 YAWEI, weya det filing yubin abum bifo blanga laigimbat pipul olagijawan?
50 YAWEI, yu sabi hau ol detlot hu nomo weship yu oldei mokimbat en meigimbat fan langa mi, yu wekinmen.
51 YAWEI, yu enami olabat tok nogudwei langa yu king weya yubin pikimat.
52 Preisim YAWEI det trubala God olagijawan.