1 YAWEI yu na det trubalawan God en yu seibum mi.
2 Yu irrim mi.
3 Aibin abum loda trabul en mi gulijap binij.
4 Mi jis laik detlot pipul hubin olredi dai.
5 Olabat bin libum mi miselp,
6 Yubin tjakamdan mi langa det dipwan en dakwan greibyad.
7 Yubin brabli wail langa mi en im jis laik yubin tjakam mi langa solwoda en detlot weib tjakambat mi oloba.
8 Yubin meigim main frenmob tenawei en bradin brom mi en deibin libum mi miselp.
9 Main ai dubala wikwan brom kraikraibat.
10 YAWEI, ai jinggabat detlot dedbala pipul.
11 Olabat gin tok blanga det filing blanga laigim pipul olataim en blanga yu trubalawei? Najing.
12 Olabat gin luk blanga yu klebabalawei deya langa det dakbala pleis? Najing.
13 Bat YAWEI, mi jingat langa yu blanga album mi.
14 YAWEI, wotfo yu nokambek mi?
15 Brom wen aibin yang aibin ardimbat en aibin gulijap binij.
16 Dumaji yu barn binji im jis laik fladwoda gaburrumap mi.
17 Ebridei ol detlot nogudbala ting brom yu kaman langa mi brom ebri said jis laik fladwoda,
18 Yubin meigim main gudfren olabat libum mi,