1 God, seibum mi!
2 Mi godan olawei langa dipwan mad en andanith im nomo adwan, najing.
3 Mi nokap na brom jinginatbat langa yu blanga album mi,
4 Detlot pipul hu nomo laigimbat mi fo najing, olabat jidan detmatj na, mowa den ol main heya langa main hed.
5 God, ai kaan haidim ol main nogudbalawei brom yu.
6 Yu na YAWEI, det Brabli Boswan God.
7 Blanga yu na najalot pipul bin meigim fan langa mi,
8 Mi wulijim streinja langa main femilimob.
9 Mi laigim det Serramoni Pleis blanga yu brabliwei.
10 Wen ai nomo dagat daga blanga meigim miselp lobala,
11 Wen mi werrimon sekbeigwan klos blanga jidan soribalawei,
12 Olabat tokabat mi ebriweya langa roud,
13 Bat mi, ai garra prei langa yu, YAWEI.
14 Seibum mi God. Pulumat mi brom det mad. Nomo larram mi sinkdan.
15 Nomo larram fladwoda gaburrumap mi,
16 Ensim mi YAWEI, dumaji yu na brabli gudwan en yu kipgon laigimbat mi detmatj.
17 Nomo haidim miselp brom mi, yu wekinmen.
18 Kaman langa mi en seibum mi.
19 Yu sabi hau ai oldei abum adtaim, en hau mi jidan garram sheim, en nomo garram eni rispek.
20 Det nogudwan wed bin meigim mi nogudbinji en ai kaan dum enijing na.
21 Wen aibin hanggri deibin gibit mi poisinwan bif.
22 Meigim olabat seikridwan padi panishim olabat gin.
23 Meigim olabat blainwan,
24 Gitwail en ranimap olabat raidap yu gajim olabat.
25 Meigim olabat kemp jidan emtiwan.
26 Olabat mokimbat ol detlot pipul weya yubin panishim.
27 Yu raidimdan ola nogud ting weya dei dumbat.
28 Rabumat olabat neim brom det speshalwan buk blanga laif.
29 Bat mi ardim en ai nomo sabi wanim ai garra dum.
30 Ai garra preisim God garram song.
31 Tharran na garra meigim YAWEI jidan mowa gudbinji, mowa den det buligi ofring.
32 Wen ol detlot pipul hu abumbat adtaim luk dijan, dei garra gudbinji.
33 YAWEI im lisin langa ol detlot pipul hu nomo garram enijing,
34 Ebrijing langa skai en graun, preisim God.
35 Im garra seibum Jerusalem en bildimap ola taun langa Juda igin.
36 Detlot bambaiwan femilimob blanga detlot pipul hu teiknodis en duwit langa im garra teikoba en abum det kantri,