1 God, yu gidap en meigim yu enami olabat ranawei ebriweya.
2 Yu andimwei olabat ebriweya wulijim det win wen im blowimwei det smok.
3 Bat ola pipul hu jidan trubalawei garra gudbinji deya weya God im jidan.
4 Sing langa God. Sing preis song langa im neim.
5 God hu jidan langa im Serramoni Pleis,
6 Im gibit kemp langa pipul hu nomo garram femili, en meigim ola prisana jidan gudbinji en fri.
7 God, wen yubin deigimat yu pipul olabat brom Ijip,
8 det graun bin sheik en rein bin buldan,
9 Yubin meigim detmatj rein kaman en meigim det drai kantri gudwan igin.
10 Yu pipul olabat bin meigim olabat kemp deya na,
11 Bos, yubin gibit wed en loda wuman bin deigim dijan nyus ebriweya,
12 “Ola boswan en olabat amimob ranaweibat na!”
13 Deibin gedimbat detmatj silba en gol,
14 Wen God det brabli boswan bin andimwei ola king langa det bigwan hil gulum Seilman,
15 Beishan im brabli bigwan hil.
16 Beishan, wotfo yu jidan jelas langa det hil gulum Saiyan weya God bin pikimat blanga jidan?
17 YAWEI bin kaman brom Sainai blanga go langa det seikridwan haus langa Saiyan.
18 Imbin gowap langa det haibalawan hil gulum Saiyan,
19 Wi garra preisim det Bos hu oldei garrimap wi trabul ebridei.
20 Det God blanga wi na im det God hu oldei seibum wi.
21 God na garra breigimap ola hedpat blanga im enami olabat,
22 Det Bos bin tok,
23 wulijim yumob garra wok langa olabat blad,
24 Main God, yubin win,
25 Ola singa bin go lida,
26 Wen ol im pipul olabat midap olabat tok, “Preisim God.
27 Det lilwan klen blanga Benjamin bin go lida basdam.
30 Panishim detlot pipul langa Ijip hu jidan jis laik det wailwan enimul langa ribasaid,
31 Meigim detlot boswan kaman brom Ijip garram ola kopawan presen,
32 Sing song langa God ola pipul ebriweya langa dis wel.
33 Im na kaman garram klaud brom det skai weya imbin meigim longtaim.
34 Ebribodi garra tok blanga det pawa blanga God.
35 Im brabli haibalawan God en im kaman brom det pleis weya im jidan.