1 Ebribodi, yumob irrim dijan!
2 nomeda yu haibala o lobalawan,
3 Ai garra jinggabat gudwei,
4 Ai garra jinggabat ola sabibala wed weya main grengrenfathamob bin tok,
5 Ai nomo bradin wen mi langa deinja,
6 Olabat oldei trastimbat ebrijing dei garram,
7 Wi kaan meigim miselp fri,
8 dumaji im brabli diyawan blanga peiyim blanga pipul laif.
9 blanga kipumwei wi brom det greibyad,
10 Ebribodi sabi klebawan pipul dai,
11 Olabat ronwan greib jidan olabat kemp.
12 Nomeda pipul jidan ritjwan,
13 Yu luk wanim garra hepin langa detlot hu oldei trastimbat olabat ronselp,
14 Olabat garra dai jis laik ship,
15 Bat God garra baiyimbek mi brom det greib,
16 Yu nomo wori wen sambodi jidan ritjwan,
17 Im kaan deigim enijing garram im wen im dai.
18 Nomeda if det sambodi im sedisfaid garram dijan laif,
19 bat im garra go langa det greib en joinap garram im femilimob hubin dai bifo,
20 Nomeda im jidan haibala, im garra stil dai.