1 YAWEI det trubala God im brabli haibalawan,
2 Saiyan, det brabli bigwan hil blanga God, im jidan brabli haiwan en im brabli purdiwan.
3 God bin shoum im seifwan garram im deya insaid langa det taun garram bigwan wol raidaran.
4 Ola king bin majurrumap miselp blanga kaman en fait langa Saiyan.
5 Bat wen deibin luk, deibin brabli hatjamp,
6 Deibin sheiksheik nomo lilbit en bin filim detmatj pein, jis laik gel wen im abum beibi.
7 God bin breigim olabat jis laik strongwan win en rein breigimap bigwan bout.
8 Basdam wibin irrim wanim God bin dum,
9 God, insaid langa yu Serramoni Pleis melabat jinggabat blanga det filing weya yu laigimbat olataim.
10 Ebribodi langa ebri kantri sabi yu, God, en dei oldei preisimbat yu.
11 Larram ola pipul brom Saiyan jidan gudbinjiwei!
12 Yumob pipul blanga God, yumob wok raidaran langa Jerusalem en kaundimap ola haiwan haus.
13 Yumob luk gudwei langa ola strongwan wol en detlot haiwan haus,
14 Dijan God im jidan wi God olagijawan.