1 YAWEI, wen yu gitwail, nomo dalimof mi.
2 Yubin shudum mi garram yu erro en meigim mi leimwan.
3 Dumaji yubin gitwail langa mi main bodi ardim nomo lilbit.
4 Mi jidan giltiwan en im gaburrumap mi brabliwei, jis laik fladwoda.
5 Ol main sowa im smeliwan en rotinwan na, dumaji aibin siliwan.
6 Mi garram detmatj pein en ai kaan adli wok, en mi gulijap buldan langa graun.
7 Mi barnbarn detmatj en mi gulijap dai.
8 Mi nokap na en ai kaan dum enijing.
9 YAWEI, yu sabi wanim mi wandim brabli.
10 Main hat im pamping nomo lilbit.
11 Ol main fren en detlot pipul hu jidan wansaid langa mi kaan kaman gulijap langa mi, dumaji ai garram loda sowa,
12 Detlot pipul hu wandim kilim mi ded, olabat pudumbat ola trep blanga mi.
13 Mi jis laik defwan en kaan irrim enijing,
14 Mi jis laik detlot hu nomo ensim dumaji dei kaan lisin.
15 Bat mi trastim yu, YAWEI.
16 Nomo larram ol main enami rabishim mi.
17 Im jis laik mi nili buldan en mi ardimbat olataim.
18 Ai dalim yu, “Mi sori blanga ol main nogudbalawei.”
19 Ol main enami garram gudwan bodi en dei jidan strongbala.
20 Detlot pipul hu peiyimbek mi nogudwei blanga gudbala ting mi dum,
21 YAWEI, yu nomo libum mi miselp.
22 Yu na main bos en yu seibum mi.