1 YAWEI yu dum det seim ting langa detlot hu dum nogud ting langa mi.
2 YAWEI yu gajim yu shild en jandap lida main en seibum mi.
3 Kaman garram yu spiya en eks langa detlot hu ranimap langa mi,
4 Detlot hu wandi kilim mi ded, meigim olabat jidan garram sheim en nomo win.
5 Meigim det einjul blanga YAWEI tjeisimap olabat wulijim win blowim draiwan lif.
6 Larram det einjul blanga YAWEI kilim olabat wen dei buldanbat olawei langa det dakbala en slipriwan roud.
7 Ai nomo bin dum enijing langa olabat.
8 Bat bifo dei dum lagijat, det deinja garra kaman langa olabat jis lagijat.
9 Brom deya ai garra gudbinji blanga YAWEI.
10 Ai garra tok lagijat langa YAWEI garram main hat na,
11 Nogud pipul oldei tokabat blanga mi,
12 Olabat peiyimbek mi nogudwei blanga gudwanwei.
15 Bat wen aibin abumbat trabul olabat bin jidan gudbinji,
16 Laik wen dei mokim kripulwan pipul,
17 Bos, haulong yu garra jidanabat en lukinatbat mi?
18 Brom deya ai gin gibit yu theingks rait deya na langa ol yu pipul olabat.
19 Nomo larram ol detlot laiyinwan enami blanga jidan gudbinji langa ol main trabul.
20 Olabat nomo tok gudbinjiwei,
21 Olabat bleim mi en jingat adbala lagijat,
22 Bat yubin luk ebrijing bin hepin, YAWEI.
23 Yu gidap main bos en deigim main pat na.
24 YAWEI, yu nomo garram eni rong.
25 Nomo larram olabat tok gija lagijat,
26 Yu bidim ol detlot pipul hu tridim mi nogudwei blanga main trabul.
27 Larram detlot pipul hu wandim mi blanga jidan friwan,
28 Brom deya olataim ai garra preisim en tok lagijat,