1 Ol yumob pipul hu jidan raitwei langa YAWEI, jingat adbala gudbinjiwei blanga ebrijing imbin dum.
2 Preisim YAWEI garram ol kain gita,
3 Sing nyuwan song langa im.
4 Ola wed blanga YAWEI im trubalawan,
5 YAWEI laigim wanim gudwan en wanim feyagowan.
6 YAWEI bin meigim ebrijing langa hebin garram im wed.
7 Imbin hipimap ola solwoda langa wan pleis.
8 Ebribodi hu jidan langa dijan wel garra weship langa YAWEI.
9 Wen imbin tok dijan wel bin kamat.
10 Langa detlot kantri weya pipul nomo bulurrum YAWEI, im nomo larram eni nogudbala plen hepin.
11 Bat ebrijing weya imbin plenim oldei hepin,
12 Ola pipul langa det kantri weya weship langa YAWEI det trubala God, jidan gudbinjiwei,
13 YAWEI im lukdan brom hebin en im luk ola pipul.
14 Brom weya im jidan bos, im lukdan langa ebribodi hu jidan langa dijan wel.
15 Im na meigim ebribodi hat en main,
16 Nomo eni king win dumaji im garram strongbala ami.
17 Ola hosis dei yusum langa wo kaan win.
18 YAWEI lukaftumbat ol detlot pipul hu teiknodis langa im,
19 Im seibum olabat brom daidaibat,
20 Wi trastim langa YAWEI.
21 Im na meigim wi jidan gudbinjiwei,
22 YAWEI, larram yu filing blanga laigimbat olagijawan jidan garram melabat.